फाइल तस्वीर
सर्लाही, २ जेठ । सर्लाहीको हरिपुर नगरपालिका–५ मजुर्वा स्थित कृष्ण इट्टा उद्योगमा शुक्रबार साँझ भएको दर्दनाक दुर्घटनामा तीन जनाको मृत्यु भएको छ भने दुई जना घाइते भएका छन् ।
हिजो साँझ करिब ६ बजे इट्टा निकाल्ने क्रममा अचानक इट्टाको पर्खाल भत्किँदा काम गरिरहेका मजदुरहरू माटो र इट्टाले पुरिएका थिए । स्थानीयद्वारा प्रहरीलाई तत्कालै घटनाबारे जानकारी गराएपछि इलाका प्रहरी कार्यालय हरिपुरबाट प्रहरी निरीक्षक शिव कटेलको नेतृत्वमा प्रहरी टोली तत्काल घटनास्थल पुगेर उद्धार कार्यमा खटिएका थिए ।
जिल्ला प्रहरी कार्यालय सर्लाहीले उपलब्ध गराएको जानकारी अनुसार, घाइतेहरूको उद्धार गरी उपचारका लागि प्रादेशिक अस्पताल मलंगवा पठाइएको थियो ।
दुर्घटनामा गोडैता नगरपालिका–७ रामवनका ५० वर्षीय फिताई मन्सुर, वडा नम्वर ९ का ३५ वर्षीय शम्भु राउत तथा भारत लखिमपुर निवासी ३५ वर्षीय अंगद कुमारको मृत्यु भएको जिल्ला प्रहरी कार्यालय सर्लाहीका सूचना अधिकारी एवं डिएसपी सरोज राईले बताए ।
मलंगवा नगरपालिका–७ का ३२ वर्षीय तुलसी महतो र ५२ वर्षीय सत्यनारायण महतोको गम्भीर आवस्थामा उपचार भईरहेको बताए । तुलसी महतोको प्रादेशिक अस्पताल मलंगवा सत्यनारायण महतोको स्थानीय क्लिनिकमा उपचार भइरहेको डिएसपी राइले भने ।
घटनापछि थप मजदुर पुरिएको आशंकामा जेसीबी प्रयोग गरी खोज तथा उद्धार कार्य राति नै गरिएको समेत प्रहरीले जनाए । कौडेना बजार बस्ने विरेन्द्र चौधरीले संचालन गरेका इट्टा उद्योगमा भएको दर्दनाक घटना सम्बन्धमा प्रहरीले आवश्यक अनुसन्धान गरिरहेको बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन