संजयकुमार मिश्रा
रौतहट, ३ जेठ । जिल्ला प्रहरी कार्यालय रौतहटले इलाका प्रहरी कार्यालय मौलापुरका प्रमुख इन्स्पेक्टर भरत केसीलाई बैशाख महिनाको उत्कृष्ट “पुलिस अफ द मन्थ” घोषित भएको छ ।
आईतबार जिल्ला प्रहरी कार्यालय रौतहटमा आयोजित विशेष कार्यक्रमका बीच प्रहरी उपरीक्षक सीताराम रिजालले इन्स्पेक्टर भरत केसीलाई प्रशंसा–पत्र प्रदान गर्दै सम्मान गरेको हो ।
प्रहरी निरीक्षक केसीले ट्राफिक व्यवस्थापन, फरार प्रतिवादी पक्राउ तथा शान्ति सुरक्षाको क्षेत्रमा उत्कृष्ट कार्य सम्पादन गरेको भन्दै उनलाई जिल्लाकै उत्कृष्ट प्रहरीका रूपमा छनोट गरिएको रिजालले बताए ।
केसीको नेतृत्वमा सञ्चालन गरिएको संयुक्त ट्राफिक चेकजाँच अभियान मार्फत हेल्मेट बिना सवारी चलाउने, चालक अनुमति पत्र तथा आवश्यक कागजात बिना सवारी सञ्चालन गर्ने र भारतीय नम्बर प्लेटका कागजपत्र विहीन सवारी गरी करिब १२० वटा सवारी साधनलाई कारबाहीको दायरामा ल्याइएको जिल्ला प्रहरी कार्यालय रौतहटले जनाए ।
त्यसैगरी गत बैशाख २२ गते मौलापुर आईटी चौकमा भएको सवारी दुर्घटनापछि फरार भएका मोटरसाइकल चालकलाई पक्राउ गर्न इन्स्पेक्टर केसीले विशेष सक्रियता देखाएका थिए । वीरगञ्जबाट चोरी गरी ल्याइएको मधेश प्रदेश ०३–०२७ प ५७५५ नम्बरको मोटरसाइकलले एक स्थानीय महिलालाई ठक्कर दिई गम्भीर घाइते बनाएपछि चालक फरार भएको थियो ।
दुर्घटनापछि सिसिटिभी फुटेज र विशेष अनुसन्धानका आधारमा फरार चालक बारा सिम्रौनगढ नगरपालिका–३ निवासी २३ वर्षीय जाविर अन्सारीलाई पक्राउ गरी कानुनी दायरामा ल्याउन प्रहरी सफल भए ।
एसपी रिजालद्वारा प्रदान गरिएको प्रशंसा–पत्रमा इन्स्पेक्टर केसीले व्यवसायिकता, लगनशीलता र कर्तव्यनिष्ठाका साथ शान्ति सुरक्षाको क्षेत्रमा उल्लेखनीय योगदान पुर्याएको उल्लेख गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन