श्रीमान गुमेपछि हार मानिनन् पार्वतीः ठेलामा भाजा बेच्दै पाँच सदस्यीय परिवार धान्दै बने प्रेरणाकी प्रतीक

0 Shares

रौतहट, ७ जेठ । अभिभावकको छत्रछाया गुमाएपछि घरको गुजारा चलाउन केही गर्नुपर्छ भन्दै भाजा बनाएर बेच्दै छोराछोरीलाई हुर्काइन, अहिले राम्रो विद्यालयमा पढाएर समाजमा नारी शक्तिले अरुका लागि उदाहरण बनेकी छिन् ।
रौतहटको राजपुर नगरपालिका–२ निवासी पार्वती देवी एक साहसी महिला हुन्, कोभिडमा जसले श्रीमानको निधनपछि हार नमानी मेहनतले परिवारको भविष्य निर्माण गर्नमा निरन्तर रुपमा संघर्ष गरिरहेकी हन् ।
कोभिड महामारीका क्रममा श्रीमानको असामयिक निधन भएपछि पार्वतीको काँधमा वृद्ध सासू, एक छोरी र दुई छोरासहित पाँच सदस्यीय परिवारको सम्पूर्ण जिम्मेवारी थपियो । आर्थिक संकटले थिचिए पनि उनले आत्मबल गुमाइनन् ।
श्रीमानकै बाटोमा अग्रसर हुँदै काठमाडौंकै फुटपाथमा भाजा विक्री गरेर आफनो जीवन यापन चलाइरहेको परिवेशमा महानगरपालिकाको कठोर कदमबाट त्यहाँबाट उठिवास भएर गाउँ फर्किन बाध्य भइन ।
गाउँमै केही गरेर परिवार धान्ने अठोटका साथ अघि बढेकी पार्वतीलाई इस्लामिक रिलिफ क्यानाडाको प्राविधिक सहयोग तथा ग्रामीण विकास केन्द्र नेपालको सहकार्यमा सञ्चालित लैंगिक हिंसा न्यूनीकरण परियोजनाले आत्मनिर्भर बन्नमा सहयोग गर्यो ।
परियोजना मार्फत सीप विकास तालिम र प्रारम्भिक सहयोग पाएपछि पार्वतीले भाजा, पानीपुरी, चना चटपटी लगायतका खाजा सामग्री बिक्री गर्ने ठेलागाडा व्यवसाय सुरु गरिन् । अहिले उनी दैनिक गाउँ फतुवा महेशपुरबाट करिब ३ किलोमिटर टाढा यमुनामाई गाउँपालिका अन्तर्गतको झुनखुन्वा बजार पुगेर व्यापार गर्दै आयआर्जनमा तल्लिन छिन् ।
दैनिक घरको कामधन्दा सकेर बजारतर्फ निस्कने पार्वती राति अबेर सम्म व्यापार गरेर घर फर्किन्छिन् । मौसम राम्रो हुँदा व्यापार पनि राम्रो हुने गरेको उनको अनुभव छ । सबै खर्च कटाएर दैनिक पाँच सयदेखि एक हजार रुपैयाँ सम्म आम्दानी हुने गरेको उनले बताइन् ।
उनको यही संघर्षले अहिले परिवारको चुल्हो मात्र बलेको छैन, छोराछोरीको शिक्षालाई पनि निरन्तरता दिएको छ । उनका जेठा छोरा यस वर्षको एसईई परीक्षामा २.९९ जीपीए ल्याएर उत्तीर्ण भएका छन् । आर्थिक अभावका बीच पनि छोराछोरीको उच्च भविष्य बनाउने सपना रहेकी पार्वती बताउँछिन् ।
पार्वतीको संघर्ष अहिले गाउँघरका अन्य महिलाका लागि पनि प्रेरणाको स्रोत बनेको छ । पहिले घरभित्र सीमित रहने तराई–मधेसका महिलाहरू अहिले साना व्यवसाय, कृषि, पशुपालन तथा उद्यमशिलता मार्फत आत्मनिर्भर बन्न थालेका छन् । पार्वती केवल एउटा उदाहरणीय पात्र मात्रै हुन्, उनी जस्तै हजारौं महिलाहरू आफ्नै मेहनत र साहसले परिवार धान्दै समाजमा उदाहरणीय बनेका छन् ।
लैंगिक हिंसा न्यूनीकरण परियोजनाका कार्यक्रम प्रबन्धक धर्मेन्द्र साहका अनुसार परियोजना मार्फत एक हजारभन्दा बढी महिलालाई आत्मनिर्भर बनाउन सहयोग गरिएको छ । महिलालाई सीप, आत्मविश्वास र आर्थिक सहयोग उपलब्ध गराउँदा उनीहरू आफैं सक्षम बन्न सक्ने उदाहरण पार्वती जस्ता महिलाले प्रस्तुत गरेको साहको कथन छ ।
ग्रामीण विकास केन्द्र (आरडीसी) नेपालले राजपुर र चन्द्रपुर नगरपालिकामा महिला सशक्तीकरण तथा लैंगिक हिंसा न्यूनीकरणका उद्देश्यसहित विभिन्न कार्यक्रम सञ्चालन गर्दै आएको स्पष्ट पारे ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।