रौतहट, १० जेठ । सत्तारुढ दल राष्ट्रिय स्वतन्त्र पार्टी (रास्वपा) का सभापति रवि लामिछाने दुई दिने औपचारिक भ्रमणका लागि भारत जाने भएका छन् ।
भारतीय विदेश मन्त्रालयको निमन्त्रणामा उनी जुन १ र २ तारिखमा भारत भ्रमणमा जान लागेका हुन् ।
स्रोतका अनुसार भ्रमणका क्रममा सभापति लामिछानेले भारतीय प्रधानमन्त्री नरेन्द्र मोदी, विदेश मन्त्री एस जयशंकर तथा विदेश सचिव विक्रम मिश्र लगायत संग उच्चस्तरीय भेटवार्ता गर्ने कार्यक्रम रहेको छ । उनले भारत सरकारका अन्य मन्त्रीहरू सँग पनि भेट गर्ने तयारी रहेको बताइएको छ ।
यसअघि भारतले सत्तारुढ दलका सभापतिको हैसियतमा शेरबहादुर देउवालाई समेत निमन्त्रणा दिएको थियो । पछिल्लो समय नेपाल–भारत सम्बन्ध र क्षेत्रीय कूटनीतिक गतिविधिका बीच हुन लागेको यो भ्रमणलाई राजनीतिक वृत्तमा अर्थपूर्ण रूपमा हेरिएको छ ।
परराष्ट्र मन्त्री शिशिर खनालको भारत भ्रमण स्थगित भएको केही दिनपछि हुन लागेको यो भ्रमणका क्रममा रास्वपा सभापति लामिछानेले भारतीय जनता पार्टी (भाजपा) मुख्यालयको समेत अवलोकन गर्ने कार्यक्रम रहेको स्रोतले जनाए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन