रौतहट, १५ जेठ । आज जेठ १५ गते अर्थात गणतन्त्र दिवसको विविध कार्यक्रमहरु गरेर देशभरी मनाइदैछन् ।
गणतन्त्र दिवसको अवसरमा संघिय राजधानी काठमाडौंमा आयोजित विशेष कार्यक्रममा राष्ट्रपति रामचन्द्र पौडेलले राजनीतिक उपलब्धिलाई नागरिकको जीवन स्तरसँग जोड्न शासकीय स्वरूप र राजनीतिक नेतृत्वको चरित्रमा सुधार अपरिहार्य रहेको बताए ।
सैनिक मञ्च टुडिखेलमा आयोजित विशेष समारोहलाई सम्बोधन गर्दै राष्ट्रपति पौडेलले संघीय लोकतान्त्रिक गणतन्त्रमा नेपाली नागरिकलाई सम्पूर्ण राजनीतिक अधिकारको ग्यारेन्टी दिनुका साथै साझा राष्ट्र निर्माणको संकल्पका लागि अभिप्रेरित गरेको उल्लेख गरे ।
उनले गणतन्त्रले नागरिकलाई आफ्नो जाति, भाषा, धर्म, संस्कृति, सम्प्रदाय, सभ्यता र भूमिको स्वामित्व प्रदान गरेको भन्दै यसलाई राष्ट्र निर्माणको महान् प्रेरणा र अभिभाराका रूपमा लिनुपर्ने बताए ।
राष्ट्रपति पौडेलले केवल राजनीतिक परिवर्तनले मात्र नागरिकको अपेक्षा पूरा नहुने स्पष्ट पार्दै शासकीय चरित्र, राजनीतिक दल र नेतृत्वको कार्यशैलीमा परिवर्तन आवश्यक रहेको धारणा राखे ।
“हामीले हाम्रो शासकीय चरित्र बदल्नुपर्छ, राजनीतिक पार्टी र नेताको चरित्र बदल्नुपर्छ,” राष्ट्रपति पौडेलले भने, “गणतन्त्रको उत्कृष्टताको सार्थकता प्राप्त गर्न राजनीति, शासकीय शैली, राजनीतिक दल र जनप्रतिनिधि मूलक संस्थाहरूलाई पूर्ण लोकतान्त्रिक, निष्पक्ष, प्रतिस्पर्धात्मक, न्यायपूर्ण र प्रभावकारी बनाउन ढिलो गर्नु हुँदैन, उनले भने ।”
उनले प्राप्त राजनीतिक अधिकारको जगमा सामाजिक न्याय सहित आर्थिक तथा सामाजिक समृद्धि सुनिश्चित गर्नुपर्ने आवश्यकता औंल्याए । साथै राजनीतिक दल, सरकार र नेतृत्व सृजनशील, विनयशील, जन उत्तरदायी तथा आचरणशील हुनुपर्नेमा जोड दिए ।
राष्ट्रपति पौडेलले राज्यका संरचना र अंगहरूलाई परिणाममुखी र गतिशील बनाउनुपर्ने उल्लेख गर्दै सुशासनको प्रत्याभूति दिनुपर्ने बताए । उनले अहिले देशको सबैभन्दा ठूलो शत्रु ढिलासुस्ती, अनियमितता र बेथिति भएको टिप्पणी गर्दै यिनै समस्याले लोकतान्त्रिक गणतन्त्रप्रति नागरिकमा निराशा बढाउने खतरा रहेको चेतावनी दिए ।
“जबसम्म प्रत्येक नागरिकको जीवनमा आशाको दियो बल्दैन, तबसम्म रगत र पसिना सँग साटिएको संघीय लोकतान्त्रिक गणतन्त्रको लक्ष्य पूरा हुँदैन,” राष्ट्रपति पौडेलले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन