रौतहट, २० पुस । नेपाली सुन्नी उल्मा, लेखक विद्यावन तथा मुफ्तीहरु विच भारतको बरली शहरमा भेटघाट कार्यक्रम भएको छ ।
भारतको बरैली शहरमा रहेको दरगाहे आला हजरतद्वारा आयोजना गरिएको भेटघाट कार्यक्रममा उल्मा सहित लेखक विद्वानहरुको उपस्तिथि रहेका थिए । दरगाह–ए आला हजरत वर्तमानमा सूफी बिचारधाराको प्रमुख केन्द्र रुपमा रहेको हो ।
सूफी बिचारधाराबाट जुडेको नेपाली सुन्नी मुस्लिमहरु बीच अझै निकटता बढाउन उल्माहरु बीच भेटघाट भएको दरगाहका प्रवक्ता नाशीर कुरैशीले बताए । नेपाली सुन्नी मुस्लिम समुदायले दरगाह–ए आला हजरतका सूफी हजरत मौलाना मुफ्ती मोहम्मद अहमद रजा खानलाई आफ्नो ठुलो धर्मगुरु मान्दै आएका छन् ।
दरगाह र नेपाली सुन्नी मुस्लिम समुदायबीच अझै निकट बनाउन नेपाली उल्मा र दरगाहका प्रतिनिधिहरु बीच भेटघाट गरिएको बताइएको छ । लामो समय देखी नेपाली सुन्नी मुस्लिमको दरगाहबाट आस्था रहेपनि बिगत २ वर्ष देखि दरगाहले नेपाली सुन्नी समुदायको स्थिति बारे जानकारी जुटाउने र सहयोग गर्ने क्रियाकलाप अगाडि बढाएको छ ।
यस अगाडि नेपालबाट लुम्बिनी प्रदेश र गण्डकी प्रदेशका उल्माहरुले भेटघाट गरेको थिए भने यसपटक प्रदेश नम्बर १ र २ का उल्मा विद्वान र लेखकहरु बरैली पुगेको कुरैशीले बताए । २ जनवरीमा दरगाह पुगेको उल्मा, लेखक, र विद्वानहरुको दलले नेपाली सुन्नी मुस्लिम समुदायको आर्थिक सामाजिक दीनी विकास गर्ने विषयमा छलफल गरेको बताइएको छ ।
उल्माहरुले बताए कि सूफी बिचारधाराले समाजमा बालश्रम, बालविवाह, लैङ्गकि हिंसा, मदिरा सेवन, छुवाछूत प्रथा लगायतको सामाजिक अपराध तथा विकृतिहरुलाई समाधान गर्न निकै ठूलो भुमिका खेल्छ । त्यस्तै नेपाली उल्मा मौलाना व मुफ्ती फुल मोहम्मदले बताए कि नेपाली सुन्नी मुस्लिम समुदायले शैक्षिक दीनी लगायतको विषयमा पाएको ज्ञान र फैज बरैलीको आला हजरतको देन हो । उनले बताए कि यस भेटघाटमा नेपाली सुन्नी मुस्लिम समुदाय र दरगाह बीच रहेको नातालाई बलियो बनाउने विषयमा छलफल भएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन