रौतहट, १७ जेठ । विश्व सुर्तीजन्य पदार्थरहित दिवस–२०२६ रौतहटमा भव्यताका साथ मनाइएका छन् ।
रौतहट सदरमुकाम गौरमा मादक पदार्थ तथा लागुऔषध नियन्त्रण र न्यूनीकरण सम्बन्धी प्रभातफेरी, अन्तरक्रिया तथा पैरवी कार्यक्रम गरेर भव्यताका साथ मनाइएका हुन् ।
स्वास्थ्य कार्यालय रौतहट, गौरको आयोजनामा आइतबार बिहान आयोजित कार्यक्रममा प्रमुख जिल्ला अधिकारी दिनेश सागर भुसालको प्रमुख अतिथिमा मनाइएको जनाइएको छ ।
प्रहरी उपरीक्षक सिताराम रिजाल, सशस्त्र प्रहरीका प्रहरी उपरिक्षक रामहरी अधिकारी, अनुसन्धान कार्यालयका उप निर्देशक कुमार बुढाथोकी लगायत विभिन्न सरकारी कार्यालयका प्रमुख, संघसंस्थाका प्रतिनिधि, महिला स्वास्थ्य स्वयंसेविका तथा विद्यार्थीहरूको सहभागिता रहेको थियो ।
आज बिहान ८ः०५ बजे स्वास्थ्य कार्यालय परिसरबाट सुरु भएको प्रभातफेरी गौर नगर परिक्रमा गर्दै पुनः स्वास्थ्य कार्यालयमै पुगेर अन्तरक्रिया तथा पैरवी कार्यक्रममा परिणत भएका थिए ।
कार्यक्रममा सुर्तीजन्य पदार्थ, मादक पदार्थ तथा लागुऔषधको दुष्प्रभाव बारे सचेतना फैलाउने, युवापुस्तालाई दुव्र्यसनबाट जोगाउने तथा स्वस्थ समाज निर्माणका लागि सामूहिक प्रतिबद्धता आवश्यक रहेको विषयमा जोड दिइयो ।
कार्यक्रममा उपस्थित भएका सहभागीहरूले सुर्तीजन्य पदार्थ तथा लागुऔषध मुक्त समाज निर्माणका लागि जनचेतना अभिवृद्धि गर्न यस्ता अभियानलाई निरन्तरता दिनुपर्ने धारणा व्यक्त गरेका थिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन