नयाँ दिल्ली, १७ जेठ । भारतका वरिष्ठ सैन्य अधिकारी एनएस राजा सुब्रमणिले आइतबार देशको नयाँ चीफ अफ डिफेन्स स्टाफ (सीडीएस) को रूपमा पदभार ग्रहण गरेका छन् ।
उनको मुख्य जिम्मेवारी महत्वाकांक्षी सैन्य ‘थिएटराइजेशन’ योजना कार्यान्वयन गर्दै तीनवटै सुरक्षा निकाय बीचको समन्वयलाई थप प्रभावकारी बनाउने रहने छन् ।
सीडीएस सुब्रमणिले अनिल चौहानको स्थान लिएका हुन् । जनरल चौहानले शनिबार आफ्नो कार्यकाल पूरा गर्दै भारतको सर्वोच्च सैन्य कमाण्डरको जिम्मेवारीबाट अवकाश लिएका थिए ।
पाकिस्तान र चीन सम्बन्धी रणनीतिक मामिलाका जानकारका रूपमा परिचित जनरल सुब्रमणि हाल सम्म राष्ट्रिय सुरक्षा परिषद् सचिवालय (एनएससीएस) मा सैन्य सल्लाहकारको भूमिकामा कार्यरत थिए । उनी गत वर्ष उपसेना प्रमुखको पदबाट अवकाश भएका थिए ।
सीडीएसको रूपमा उनको पहिलो प्राथमिकता एकीकृत सैन्य कमाण्ड संरचना स्थापना गर्दै ‘थिएटराइजेशन’ मोडललाई व्यवहारमा उतार्नु हुने छ । यस योजनाले सेना, वायुसेना र नौ सेना बीचको संयुक्त सञ्चालन क्षमता तथा रणनीतिक समन्वयलाई थप मजबुत बनाउने अपेक्षा गरिएको छ ।
चार दशक भन्दा लामो सैन्य सेवामा जनरल सुब्रमणिले विभिन्न संवेदनशील सीमा क्षेत्र तथा चुनौतीपूर्ण भूगोलमा सेवा प्रदान गरिसकेका छन् । उनले कमाण्ड, स्टाफ तथा प्रशिक्षणसँग सम्बन्धित अनेकौं महत्वपूर्ण जिम्मेवारी सफलता पूर्वक निर्वाह गरेका छन् ।
सन् २०२४ जुलाई १ देखि २०२५ जुलाई ३१ सम्म उनले भारतीय सेनाको उपप्रमुखका रूपमा सेवा गरेका थिए । त्यसअघि सन् २०२३ मार्च देखि २०२४ जुनसम्म उनी केन्द्रीय कमाण्डका जनरल अफिसर कमान्डिङ–इन–चीफको जिम्मेवारीमा रहेका थिए । नयाँ सीडीएसको रूपमा उनको नियुक्तिलाई भारतको सैन्य संरचना आधुनिकीकरण र संयुक्त सैन्य क्षमताको विस्तार तर्फको महत्वपूर्ण कदमका रूपमा हेरिएको छ ।
श्रोतः पीटीआई
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन