क्यान्सर पीडित वरै जीवन–मृत्युको दोसाँधमा, २० महिना देखि तलब नपाउँदा कर्मचारीहरु आन्दोलित

0 Shares

रौतहट, २० जेठ । रौतहटको कटहरिया नगरपालिका–२ हथियाहीका कार्यालय सहयोगी श्रीराउत बरै यतिबेला क्यान्सर रोगसँग जीवन–मृत्युको दोसाँधमा संघर्ष गरिरहेका छन् ।
भरतपुरस्थित क्यान्सर अस्पतालमा डेढ महिनादेखि उपचाररत बरै उपचार खर्च जुटाउन नसक्दा थप पीडामा परेका हुन् । अझ विडम्बना के छ भने, उनले नगरपालिकाबाट पाउनुपर्ने करिब २० महिनाको तलब समेत हालसम्म प्राप्त गर्न नसक्दा उनी अहिले जिवन–मृत्युको दोसाँधमा संघर्ष गरिरहेका हुन् ।
परिवारका अनुसार बरैको स्वास्थ्य अवस्था जटिल रहेकाले निरन्तर उपचार, औषधोपचार तथा नियमित स्वास्थ्य निगरानी आवश्यक छ । तर बढ्दो उपचार खर्चले परिवारलाई आर्थिक रूपमा थला पारेको छ । आर्थिक अभावकै कारण उपचार प्रक्रियामा समेत चुनौती थपिएको बताइएको छ ।
समाजसेवी विनोदलाल कर्णका अनुसार नगरपालिकाले लामो समय देखि बरैको पारिश्रमिक भुक्तानी नगर्दा परिवारको आर्थिक अवस्था कमजोर बनेको थियो । क्यान्सर रोग लागेपछि स्थिति झन् भयावह बनेको उनको भनाइ छ ।
“एकातिर बरै क्यान्सरसँग जुधिरहेका छन्, अर्कोतिर आर्थिक अभावले परिवारलाई थप पीडा दिएको छ,” कर्णले भने, “उपचार, औषधि, अस्पतालमा कुरुवा बस्ने तथा आवतजावतको खर्च जुटाउन परिवारलाई निकै कठिन भइरहेको छ ।”
हाल बरैको उपचार तथा हेरचाहको जिम्मेवारी उनका ज्वाइँ महेन्द्र प्रसाद चौरसियाले सम्हालिरहेका छन् । तर लामो उपचार र निरन्तर बढ्दो खर्चका कारण परिवार आर्थिक संकटको चपेटामा परेको छ ।
तलब नपाएपछि कर्मचारी आन्दोलनमा
कटहरिया नगरपालिकामा कार्यरत करार तथा ज्यालादारी कर्मचारीहरू पनि लामो समयदेखि तलब नपाएको भन्दै आन्दोलनमा उत्रिन बाध्य भईरहेका छन् ।
गत जेठ ११ गतेदेखि सुरु भएको आन्दोलनलाई कर्मचारीहरूले सुरुमा प्रमुख प्रशासकीय अधिकृत हरिप्रसाद पन्तको कार्यकक्ष बाहेक अन्य सबै कक्षमा तालाबन्दी गरेका थिए । माग सम्बोधन तर्फ कुनै पहल नभएको भन्दै उनीहरूले सोमबार प्रमुख प्रशासकीय अधिकृतको कार्यकक्षमा समेत तालाबन्दी गरेका छन् ।
आन्दोलनरत कर्मचारी मुकुन्द यादवले तलब नपाउँदा कर्मचारीहरू आर्थिक र मानसिक तनावमा परेको बताए । कर्मचारी रामानन्द पासवानले पटक–पटक आवाज उठाउँदा पनि नगरपालिकाले एक–दुई महिनाको तलब मात्रै उपलब्ध गराएर समस्या टार्ने काम गरेको आरोप लगाए ।
उनले क्यान्सरपीडित श्रीराउत बरै आर्थिक अभावकै कारण अस्पतालबाट डिस्चार्ज हुन नसकेको उल्लेख गर्दै नगरप्रमुख अजय प्रकाश जयसवाललाई कर्मचारीहरूको बाँकी तलब तत्काल भुक्तानी गर्न आग्रह गरे ।
सहयोगका लागि अपिल
आन्दोलनका कारण नगरपालिकाको दैनिक प्रशासनिक सेवा प्रभावित बनेको छ । आन्दोलनरत कर्मचारीहरूले आफ्ना माग पूरा नभएसम्म संघर्ष जारी राख्ने चेतावनी दिए ।
यसैबीच कटहरिया नगरपालिका–४ का वडा अध्यक्ष चन्दन कुशवाहाले क्यान्सर पीडित कर्मचारी श्रीराउत बरैको उपचारका लागि नगरपालिका परिवार, जनप्रतिनिधि तथा सहयोगी मन भएका सबैलाई आर्थिक सहयोग गर्न हार्दिक अपिल गरेका छन् ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।