तस्वीरः एआई ग्राफिक्स ।
ओमप्रकाश यादव
रौतहट, २५ जेठ । रौतहटको गढीमाई नगरपालिका–४ सुन्दरपुर स्थित समनपुर–गरुडा सडकखण्डमा एक अज्ञात पुरुष मृत अवस्थामा फेला परेको छ ।
सोमवार बिहान करिब ६ बजेको समयमा स्थानीय शिवमंगल दासले सडक छेउमा एक व्यक्ति लडिरहेको देखेपछि तत्काल इलाका प्रहरी कार्यालय समनपुरलाई जानकारी गराए । सूचना प्राप्त हुनासाथ प्रहरी टोली घटनास्थलमा पुग्दा ति व्यक्तिको मृत अवस्थामा शव फेला परेको जिल्ला प्रहरी कार्यालय रौतहटले जनाएको हो ।
फेला परेका शवको हालसम्म पहिचान खुल्न सकेको छैन । फेला परेका व्यक्तिको शव करिब ४० देखि ४५ वर्षको रहेको अनुमान प्रहरीले गरेको छ ।
प्रहरीको प्रारम्भिक अनुसन्धानका क्रममा मृतकको बाँया खुट्टा साइकलको ह्यान्डलमा अड्किएको अवस्थामा रहेको तथा टाउकोमा गम्भीर चोट देखिएको प्रहरीले जनाए । घटनाको प्रकृति हेर्दा सवारी दुर्घटना वा अन्य कुनै कारणले मृत्यु भएको हुन सक्ने आशंका हुँदा विभिन्न कोणबाट प्रहरी अनुसन्धान अगाडि बढाएको छ ।
इलाका प्रहरी कार्यालय गरुडाबाट प्रहरी निरीक्षक उज्वल क्षेत्रीको नेतृत्वमा प्रहरी टोली समेत घटनास्थल पुगेको थियो । टोलीले घटनास्थलको सूक्ष्म निरीक्षण गर्नुका साथै आवश्यक प्रमाण संकलन गरेको जनाए ।
मृतकको पहिचान खुलाउन तथा घटनाको वास्तविकता पत्ता लगाउन स्थानीय सँग सोधपुछ गर्नुका साथै आवश्यक अनुसन्धान जारी रहेको जिल्ला प्रहरी कार्यालय रौतहटका सूचना अधिकारी एवं डिएसपी बसन्त गौतमले बताए । मृतक व्यक्तिको शव पोष्टमार्टका लागि प्रादेशिक अस्पताल गौर ल्याइएको तथा शवको पहिचान गराउने कार्य भईरहेको समेत उनले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन