वीरगञ्ज । भारत–नेपाल सीमास्थित वीरगञ्जको मुख्य प्रवेशद्वार शंकराचार्य गेटमा अनाधिकृत रुपमा नेपाल प्रवेश गर्न खोज्ने नवालक सहित एक कजाकिस्तानी महिलालाई नियन्त्रणमा लिएको छ ।
भिसाको अवधि सकिएको अवस्थामा नेपाल प्रवेश गर्न खोजेकी कजाकिस्तानकी एक महिला र उनका नाबालिक छोरालाई नेपाल प्रहरीले नियन्त्रणमा लिएको हो ।
मिडिया रिपोर्टमा उल्लेख समाचार अनुसार कजाकिस्तानको २८ वर्षीया एसेल किडिमोल्डा आफ्नो नाबालिक छोरा सहित भारतको रक्सौल भएर मैत्री पुल हुँदै नेपाल प्रवेश गर्न लागेकी थिइन् ।
शंकराचार्य गेटमा खटिएका सुरक्षाकर्मीले नियमित कागजात जाँचका क्रममा उनीहरूको यात्रा विवरण परीक्षण गरेका थिए । तर, जाँचका क्रममा महिलाको भिसा अवधि समाप्त भइसकेको खुल्न आएपछि प्रहरीले तत्काल आमा–छोरालाई नियन्त्रणमा लिएर आवश्यक अनुसन्धान एवं कारवाहीका लागि वीरगञ्ज स्थित अध्यागमन विभागको जिम्मा लगाइएको छ ।
अध्यागमन कार्यालयले उनीहरूको राहदानी, भिसाको अवस्था तथा नेपाल प्रवेशको उद्देश्यबारे विस्तृत अनुसन्धान गर्ने जनाए । अनुसन्धान प्रतिवेदनका आधारमा प्रचलित आप्रवासन कानुन अनुसार आवश्यक कारबाही अघि बढाइने बताइएको छ ।
सुरक्षा निकायका अनुसार भारत–नेपाल सीमा हुँदै आवागमन गर्ने तेस्रो मुलुकका नागरिकका लागि वैध राहदानी र भिसा अनिवार्य हुने भएकाले सीमा नाकाहरूमा कागजातको कडाइका साथ जाँच गर्ने गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन