रौतहट, १ असार । मधेश प्रदेश सरकारले आगामी आर्थिक वर्ष २०८३–८४ को बजेट मार्फत उत्पादन वृद्धि, रोजगारी सिर्जना, गरिबी निवारण तथा वित्तीय अनुशासनलाई प्रमुख प्राथमिकता दिएको छ ।
प्रदेशसभा बैठकमा बजेट प्रस्तुत गर्दै अर्थमन्त्री युवराज भट्टराई (समिर) ले आगामी बजेटलाई उत्पादनमुखी, रोजगारमुखी र परिणाममुखी बनाउने नीति लिइएको बजेट प्रस्तुत गरेको हो ।
उनका अनुसार बजेटले कठोर वित्तीय अनुशासन र मितव्ययिताको रणनीति अवलम्बन गरेको बताए । स्रोतको अधिकतम उपयोग गर्दै अनुत्पादक खर्च कटौती गरी पुँजीगत निर्माण तथा विकास आयोजनामा लगानी बढाइने उनले भने ।
अर्थमन्त्री भट्टराईले एक करोड रुपैयाँभन्दा कम लागतका योजनामा बजेट विनियोजन नगर्ने नीति लिइएको जानकारी दिए । यसका साथै प्रदेश सरकार अन्तर्गत नयाँ सवारी साधन खरिदमा रोक लगाइने घोषणा पनि उनले गरे ।
साना तथा टुक्रे योजनाको चाप कम गर्दै प्रत्यक्ष परिणाम दिने ठूला र रणनीतिक महत्वका आयोजनामा स्रोत केन्द्रित गरिने बताए । बजेट छर्ने पुरानो प्रवृत्तिको अन्त्य गर्दै सीमित स्रोतलाई प्रभावकारी ढंगले परिचालन गर्ने सरकारको लक्ष्य रहेको उनको भनाइ छ ।
मन्त्री भट्टराईका अनुसार आगामी बजेटले उत्पादन वृद्धि, आर्थिक गतिविधि विस्तार, रोजगारी सिर्जना तथा गरिबी न्यूनीकरणलाई केन्द्रमा राख्दै प्रदेशको समग्र आर्थिक विकासलाई गति दिने अपेक्षा गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन