रौतहट, ४ असार । रौतहटको चन्द्रपुर नगरपालिकाकी एक हिंसा पीडित महिलालाई न्याय प्राप्तिको प्रक्रियामा सहयोग पुगुन भन्ने उद्देश्यका साथ इन्सेक मधेश प्रदेश कार्यालय, जनकपुरले आर्थिक सहायता उपलब्ध गराएका छन् ।
चन्द्रपुर नगरपालिका–३ का ३२ वर्षीया पीडित महिलालाई इन्सेकको मानव अधिकार सहायता कक्षमार्फत १० हजार रुपैयाँ आर्थिक सहयोग प्रदान गरिएको इन्सेक रौतहट प्रतिनिधि गौरी न्यौपानेले जानकारी दिएकी हुन् ।
चन्द्रपुर नगरपालिका–३ को सिफारिस तथा पीडित महिलाले गत वैशाख २३ गते दिएको निवेदनका आधारमा उक्त सहयोग उपलब्ध गराइएको हो । पीडितले आफ्ना पति भूमबहादुर वाइवा विरुद्ध जिल्ला अदालत रौतहटमा २०८२ चैत १ गते सम्बन्ध विच्छेदको मुद्दा दर्ता गराएकी छन् । उक्त मुद्दा हाल अदालतमा विचाराधीन रहेको जनाइए ।
आर्थिक अभावका कारण अदालतमा नियमित उपस्थित हुन, कानुनी प्रक्रिया अघि बढाउन तथा आवश्यक खर्च व्यवस्थापन गर्न कठिनाइ भइरहेको भन्दै पीडितले इन्सेकसँग सहयोगको आग्रह गरेकी थिइन् । सोही अनुरोधलाई आधार मानी इन्सेक मधेश प्रदेश कार्यालयले आर्थिक सहायता उपलब्ध गराएको जनाए ।
पीडिताको अनुसार २०८२ फागुन ११ गते उनका पतिबाट भएको कुटपिटका कारण टाउकोमा गम्भीर चोट लागेको थियो । उपचारपछि घर फर्किए पनि हालसम्म नियमित औषधि सेवन गरिरहनुपरेको उनले बताइन् । प्राप्त आर्थिक सहयोगले अदालतमा आउजाउ गर्न, कानुनी प्रक्रियालाई निरन्तरता दिन तथा न्यायका लागि जारी संघर्षलाई सहज बनाउने विश्वास व्यक्त गर्दै पीडितले इन्सेकप्रति आभार व्यक्त गरेकी छन् ।
इन्सेकले मानव अधिकार उल्लंघन तथा हिंसाबाट प्रभावित व्यक्तिहरूलाई आवश्यक कानुनी, मनोसामाजिक तथा आर्थिक सहयोग उपलब्ध गराउँदै आएको जनाए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन