रौतहट, १६ असार । गौर नगर कार्यपालिकाको प्रशासनीक भवन निर्माण हेतु नगरप्रमुख शम्भु साहले औपचारिक समारोहका बीच आधारशिला अर्थात शिलान्यास गरेका छन् ।
गौर नगर कार्यपालिकाको प्रशासनीक भवन निर्माणका लागि लगत इष्टिमेट ५ करोड ९६ लाख (मुअक) सहितको इविडिंग बोलपत्रमा बंश–ओम–आरएनएस जेभीले ३ करोड ७१ लाख ३० हजार ६० रुपैया (मुअक बाहेक) मा टेण्डर सकार गरेका थिए ।
ठेक्का नम्वर जिएम–एनसिबी–डब्लु–४–२०८१–०८२ मा नै २९ प्रतिशत घटेर टेण्डर सकार गरेपनि केही व्यक्तिद्वारा अदालतमा मुद्दा हालेपछि काम सुरु हुन पाएका थिएनन ।
तर असार ८ गते उच्च अदालत जनकपुरको अस्थायी इजलास वीरगञ्जबाट फैसला भएपछि २०८३ असार ११ गते सम्झौता भई २०८५ असार १० गते भित्र सम्पन्न हुने गरी उक्त प्रशासनीक भवनको आधारशिला हिजो सोमवार साँझ गौर नगरका नगरप्रमुख साहले राखे ।
औपचारिक कार्यक्रमका बीच निर्माण हुन लागेका प्रशासनीक भवनको शिलान्यास गर्दै नगरप्रमुख साहले विभिन्न बाधा अबरोधलाई चिर्दै शिलान्यास गर्न पाउदा निकै खुशी लागेको बताए । पुरानो भवनमा काम गर्न अप्ठ्यारो भईरहदा दक्षिण तर्फ रहेका नगरपालिकाकै जग्गामा आधुनिक किसिमको तिन तल्ले भवन बनेपछि नगरवासीलाई सेवा प्रवाह गर्नमा कुनै अप्ठ्यारो नहुने जिकिर गरे ।
विकास निर्माणको गति हेर्ने हो भने विगत भन्दा धेरै राम्रो आफनो कार्यकालमा भएको स्मरण गर्दै उनी भन्छन् आफू प्रचार प्रसारमा विश्वास खासै नगरेपनि जनताको हृदयमा बास गर्ने नगरप्रमुखको रुपमा स्थापित हुनमा गर्व महसुस गर्छु ।
कृषि तथा पशु भवन, स्वास्थ्य भवन, कोल्ड स्टोर, सामुदायिक भवन, प्रत्येक वडामा बाटोघाटो देखि लिएर नाला निर्माण सम्म, शैक्षिक सुधारका कार्यक्रमहरु सहित विभिन्न क्षेत्रमा नगरपालिकाबाट सम्भव हुने हरेक खालका विकास निर्माणका कार्यहरु सम्पन्न गराएको दाबी गरे ।
सो शिलान्यास समारोहमा शिवशंकर यादव, अवधविहारी साह, संजय गिरी, अर्जुन सिंह सहितका वडाध्यक्षहरु, निमित्त प्रमुख प्रशासकीय अधिकृत सुभाष ठाकुर, स्थानीय समाजसेवीहरु, कर्मचारीहरु लगायत नगरवासीहरुको उस्थिति रहेको थियो ।


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन