रौतहट, १६ असार । देशभर मनसुनी गतिविधि सक्रिय बन्दै गएपछि आगामी तीन दिनसम्म विभिन्न स्थानमा भारी देखि धेरै भारी वर्षा, मेघगर्जन, चट्याङ तथा हावाहुरीको सम्भावना रहेका छन् ।
जल तथा मौसम विज्ञान विभागले विशेष सतर्कता अपनाउन आग्रह गर्दै आज, भोली र पर्सी सम्म तीनदिने जारी भएको बुलेटिनमा पहिरो, डुबान, बाढी र यातायात अवरुद्ध हुने जोखिम बढेकाले नागरिकलाई मौसमको अद्यावधिक सूचना पछ्याउन अनुरोध गरेका हुन् ।
महाशाखाका अनुसार आज देशभर अधिकांश स्थानमा आंशिकदेखि पूर्ण बदली रहनेछ । कोशी, बागमती, गण्डकी, लुम्बिनी र सुदूरपश्चिम प्रदेशका पहाडी तथा हिमाली क्षेत्रमा मेघगर्जन र चट्याङ सहित मध्यम वर्षा हुने सम्भावना छ भने कोशी, बागमती, गण्डकी र सुदूरपश्चिम प्रदेशका एक–दुई स्थानमा भारी वर्षा हुन सक्ने अनुमान गरिएको छ ।
आज राति पनि कोशी, बागमती, गण्डकी र लुम्बिनी प्रदेशका केही स्थानमा भारी देखि धेरै भारी वर्षा हुने सम्भावना छ । साथै, कोशी, बागमती, गण्डकी र लुम्बिनी प्रदेशका तराई क्षेत्र तथा मधेस प्रदेशका केही स्थानमा हावाहुरी चल्न सक्ने विभागले जनाए ।
भोली बुधबार देशभर मौसम पूर्णतया बदली रहनेछ । पहाडी भू–भागका धेरै स्थानमा मध्यम वर्षा हुने तथा मधेस, कोशी, बागमती र गण्डकी प्रदेशका केही स्थानमा भारी वर्षाको सम्भावना रहेको छ । तराईका विभिन्न क्षेत्रमा हावाहुरी चल्न सक्ने चेतावनी पनि दिइएको छ ।
पर्सी बिहीबार पनि मौसम पूर्णतया बदली रहने अनुमान छ । कोशी, बागमती, गण्डकी र लुम्बिनी प्रदेशका पहाडी तथा तराई क्षेत्र र मधेस प्रदेशका केही स्थानमा भारी वर्षा तथा हावाहुरीको जोखिम कायमै रहने महाशाखाले जनाए ।
विभागका अनुसार निरन्तरको वर्षाले विशेषगरी कोशी, गण्डकी, लुम्बिनी, सुदूरपश्चिम र मधेस प्रदेशका पहाडी क्षेत्रमा पहिरो, भू–क्षय र गेग्रान बहाव तथा तराई क्षेत्रमा डुबानको जोखिम बढ्ने सम्भावना छ । नदीनालामा पानीको सतह बढ्न सक्ने, सडक यातायात प्रभावित हुन सक्ने तथा दैनिक जनजीवनमा असर पर्ने भएकाले आवश्यक सतर्कता अपनाउन र आधिकारिक मौसम सूचनालाई नियमित रूपमा पछ्याउन विभागले आग्रह गरेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन