सर्लाही, २१ असार । जेन–जी आन्दोलनका क्रममा काठमाडौं स्थित केन्द्रीय कारागारबाट फरार भएका डाँका चोरी मुद्दाका एक कैदी १० महिनापछि सर्लाहीबाट पक्राउ परेका छन् ।
सर्लाहीको हरिवन नगरपालिका–१ का २६ वर्षीय रमन भन्ने रामलाल योन्जनलाई प्रहरीले विशेष सूचनाका आधारमा पक्राउ गर्न सफल भएका हुन् ।
जिल्ला प्रहरी कार्यालय सर्लाहीले जारी गरेका प्रेस नोटमा योन्जन डाँका चोरी मुद्दामा दोषी ठहर भई कारागारमा कैद भुक्तान गरिरहेको अवस्थामा फरार भएका थिए ।
भदौं २३ र २४ गतेको जेन–जी आन्दोलनका बेला देशका विभिन्न कारागारबाट कैदीहरू फरार हुने क्रममा योन्जन पनि जगन्नाथदेवल केन्द्रीय कारागारबाट भाग्न सफल भए । त्यसयता उनी १० महिनादेखि फरार रहँदै आएको थियो ।
इलाका प्रहरी कार्यालय हरिवनबाट खटिएको प्रहरी टोलीले लुकिछिपी गाउँमै बसिरहेको अवस्थामा उनलाई पक्राउ गरेको जिल्ला प्रहरी कार्यालय सर्लाहीका सूचना अधिकारी एवं डिएसपी बेदप्रसाद गौतमले बताए ।
पक्राउ परेका योन्जनलाई आवश्यक कानुनी प्रक्रिया पूरा गरी मलंगवा कारागारमा पठाइएको उनले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन