सर्लाही, २६ असार । सर्लाहीको गोडैता नगरपालिका–१०, सिसौटिया गाउँमा शुक्रबार दिउँसो एक ४२ वर्षीय युवकले आफ्नै शरीरमा पेट्रोल खन्याएर आगो लगाउदा गम्भीर घाइते भएका छन् ।
जिल्ला प्रहरी कार्यालय सर्लाहीका अनुसार सिसौटियाका विवेक मण्डलले घरबाट करिब २०० मिटर टाढा पुगेर शरीरमा पेट्रोल खन्याएर आगो लगाउदा उक्त घटना भएका हुन् ।
आगलागीबाट गम्भीर घाइते भएका मण्डलको प्रादेशिक अस्पताल मलङ्गवामा प्राथमिक उपचार पछि थप उपचारको लागि नेपाली सेनाको हेलिकप्टरबाट शुक्रवार साँझ काठमाडौ लगिएको छ ।
मण्डलको अवस्था गम्भीर रहेको जानकारी दिदै जिल्ला प्रहरी कार्यालय सर्लाहीका सूचना अधिकारी एवं डिएसपी बेदप्रसाद गौतमले युवक मण्डलले यस्तो कदम किन चाले भन्ने कारण अझै खुल्न सकेको नसकेको बताए । घटना सम्बन्धमा प्रहरीले अनुसन्धान सुरु गरेको छ ।
यसैबीच, सर्लाही क्षेत्र नम्वर ४ का प्रतिनिधिसभा सदस्य डा. अमरेशकुमार सिंहले सामाजिक सञ्जाल फेसबुक मार्फत घटनाबारे जानकारी प्राप्त भएपश्चात प्रधानमन्त्री, गृहमन्त्रीलाई फोन गरेर तत्कालै हेलिकप्टरको प्रबन्ध मिलाइएको श्रोतले बतायो ।
मौसम प्रतिकुल भएपनि केही वेर अघि हेलिकप्टरबाट युवकलाई काठमाडौं लगिएको बताइएको छ । युवकको अधिकाँश भाग जलेको एक चिकित्सकले बताए ।
काठमाडौंको त्रिपुरेश्वर स्थित राहदानी विभाग छेउमा मुगुका गणेश नेपालीले हिजो पेट्रोल खन्याएर आगो लगाएको घटना सेलाउन नपाउदै सर्लाहीको सिसौटियामा भएको घटनाले समाजलाई कता तिर लगिरहेको छ भने राज्य समक्ष गम्भीर प्रश्न चिन्ह् खडा भएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन