काठमाडौं, २३ पुस । नेकपा एकीकृत समाजवादीका वरिष्ठ नेता झलनाथ खनाल संग नेपालका लागि चिनियाँ राजदूत होउ यान्छीले भेटघाट गरेकी छिन् ।
राजदूत यान्छीले दुइ दिन अघि विहान काठमाडौं महानगरपालिका १५ डल्लु स्थित नेकपा एसका वरिष्ठ नेता खनालको निवासमा पुगेर भेट गरेकी हुन् । खनाल अहिले मिलेनियम च्यालेञ्ज कर्पोरेशन ९ एमसीसी सम्झौताको अध्ययन गर्न सत्ता गठबन्धनले बनाएको समितिको संयोजक रहेका छन् ।
नेकपामा हुँदा पनि उनी नै एमसीसी अध्ययन गर्ने संयोजक थिए । त्यतिखेर उनको समितिले परिमार्जन गर्नुपर्ने सुझाव दिएका थिए । अहिले पनि गठबन्धन सरकारमा कम्युनिस्टहरुले एमसीसीमा प्रश्न उठाइरहेका बेला प्रधानमन्त्री शेरबहादुर देउवाले नेपालको हित रहेको अनुदान कसरी राष्ट्रघाती, के के समस्या छ देखाउ भनेर समिति बनाएका छन् । सो समितिका संयोजक खनालले अध्ययन गरिरहेका बेला यान्छी डल्लु पुग्नुलाई अर्थपूर्ण रुपमा लिइएको छ ।
भेटमा चिनियाँ राजदूत यान्छीले एमसीसी विरुद्ध प्रतिवेदन बनाउन दबाब दिएको निकट स्रोतबाट बुझिएको छ । नेपालमा आफ्नो प्रभुत्व बढाउन चीनले अमेरिकी अनुदान सम्झौता एमसीसी रोक्न यतिवेला सक्रिय रहेको पाइएका छन् । यसक्रममा एमसीसी राष्ट्रघाती भनेर प्रचार गराउन राजनीतिमा प्रभाव राख्ने ठूला नेतालाई नै उचालिरहेको आरोप लाग्न थालेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन