इरानको दक्षिणी शहर मिनाब स्थित एक प्राथमिक विद्यालयमा भएको मिसाइल आक्रमणमा परेर १२० बालबालिका सहित १५६ जनाको मृत्यु भएको दाबी गरिएको छ ।
युद्ध सुरु भएको प्रारम्भिक घण्टामै भएको यो आक्रमणलाई इरानले आम नागरिक माथिको सबैभन्दा भीषण एवं क्रुर घटना मध्ये एक भनेको हो ।
विद्यालयकी ३३ वर्षीया शिक्षिका अमाइने नदेमीले एक सामान्य विद्यालयको दिन केही क्षणमै विनाशमा परिणत भएको बताएकी छन् । उनका अनुसार विद्यालय बन्द गर्ने निर्णयपछि अभिभावकलाई बोलाइँदै गर्दा मिसाइल खसेको थियो । धुवाँ, विस्फोट र भवन ढलेपछि विद्यालय एकैछिनमा भग्नावशेषमा परिणत भएको उनले स्मरण गरिन् ।
राहत तथा उद्धार कार्यमा खटिएका स्वयंसेवकहरूले मलबा मुनि दबिएका बालबालिकाको अवस्था अत्यन्त हृदयविदारक रहेको बताए । धेरै शव टुक्राटुक्रा अवस्थामा फेला परेका कारण कतिपय अभिभावकले आफ्ना सन्तानको पहिचान जुत्ता र कपडाका आधारमा गर्नुपरेको थियो ।
घटनापछि अमेरिका र इरानबीच आरोप–प्रत्यारोप चर्किएयो । इरानले अमेरिकी आक्रमणका कारण विद्यालय ध्वस्त भएको आरोप लगाए भने अमेरिकाले अनुसन्धान जारी रहेको जनाउँदै नागरिक संरचनालाई जानाजानी निशाना नबनाइने दाबी गरेको छ । प्रारम्भिक अमेरिकी विवरणमा पुरानो गुप्तचर सूचनाका कारण विद्यालयलाई गल्तीवश सैन्य संरचना हानिएको हुन सक्ने उल्लेख गरिएको छ ।
हमलामा ज्यान गुमाएकी नौ वर्षीया छोरीको शव क्रीम रङको मोजाबाट पहिचान गरिएको भन्दै उनकी आमा मसोमा मेहरन शेखाबादीले घटनाको पीडा सुनाएकी छन् । उनले विद्यालयमा किताब, कापी र पेन्सिल बोकेर गएका निर्दोष बालबालिकाको मृत्युले कहिल्यै नमेटिने घाउ दिएको बताइन् ।
यस घटनाले युद्धका बीच विद्यालय र बालबालिकाको सुरक्षामाथि गम्भीर प्रश्न उठाएको छ भने अन्तर्राष्ट्रिय समुदायमा पनि नागरिक संरचनाको संरक्षणबारे बहस थप चर्किएको छ । एजेन्सी

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन