जनकपुरधाम, २४ पुस । लामो समय देखि थन्काएर पार्किंग गरिएको अवस्थामा राखिएको रेलको शनिवार परिक्षण गरिएको छ ।
विगत १६ महिना अघि नेपाल भित्रयाइएको रेल धनुषा जिल्लाको इनर्वा रेल्वे स्टेशनमा पार्किग गरी थन्काइएका थिए । पार्किग गरिएको इनर्वा रेल्वे स्टेशनबाट परीक्षणका लागि रेल गुडाइए जनकपुर ल्याइएको नेपाल रेल्वे कम्पनीका महाप्रबन्धक निरन्जन झाले बताए ।
महाप्रबन्धक नेपालमा रेल गुडाउने दक्ष जनशक्तिको अभाव भएको हुदा भारतबाट १४ जना प्राविधिक टोली झिकाएर रेलको परिक्षण गरिएको छ । गत बर्ष असोज २ मा जनकपुर आएका रेल भोली पल्ट अर्थात २०७७ असोज ३ मा इनर्वा स्टेशनमा पार्किग गरी राखिएको थियो । लामो समय देखि थन्किएको रेलको पार्टपुर्जाहरुको अवस्था कस्तो छ सोको जानकारीको लागि परिक्षण गरिएको महाप्रबन्धक झाले भने ।
इनर्वा स्टेशनमा राखिएको रेल जनकपुरधाम हुँदै कुर्था सम्म गए । कुर्थाबाट पुनः रेल घुमाएर जनकपुरधामसम्म ल्याएर परीक्षण गर्ने तयारी गरिएको छ । भारतबाट आएदेखि नै रेललाई त्रिपालले छोपेर राखिएको थियो । तर पछिल्लो समयमा त्रिपाल पनि च्यातिइसकेको थियो । बर्षाको पानीले भिजेर रेलका केही भागमा खिया लाग्न थालेको अवस्थामा रेल गुडाएर परीक्षण गरिएको छ । महाप्रबन्धक झाले रेल सञ्चालन गर्नकै निम्ति परीक्षण गर्न लागिएको बताए ।
जनकपुर जयनगर रुटमा रेल सञ्चालन गर्नका लागि गत बर्ष नेपाल सरकारले ८४ करोड ६५ लाख रुपैयाँमा भारतबाट रेल खरीद गरेर ल्याए । भारतको कोकन रेल्वे कर्पोरेसन लिमिटेडबाट खरिद गरिएको रेल सोही कम्पनीका मेकानिकल इन चिफ दीपक त्रिपाठीले २ असोज २०७७ मा नेपाल रेल्वे कम्पनी लिमिटेडका तत्कालिन महाप्रबन्धक गुरु भट्टराईलाई हस्तान्तरण गरेका थिए ।
एक सेट रेलमा ५ वटा डिब्बा रहेका छन् । एउटा ड्राइभिङ पावर कार, एउटा ड्राइभिङ ट्रेलर कार, २ वटा जेनरल ट्रेलर कार र एउटा एसी ट्रेलर कार रहेको छ । एउटा रेल सेटमा एक पटकमा करीब १३ सय यात्रु चढ्न सक्ने क्षमता रहेको छ । रेल प्रति घण्टा १ सय १० किलोमिटरको गतिमा गुड्न सक्ने क्षमताको रहेका छन् ।
भारतको जयनगरदेखि नेपालको जनकपुर, सीतापुर भंगहा हुँदै बर्दिवाससम्म संचालनका लागि रेल खरिद गरिएको भएपनि ट्रयाक तयार भएको जयनगरदेखि कुर्था सम्मको ३४ किलोमिटरमा पनि रेल सञ्चालन हुन नपाएको । करोडौंकोमा ल्याएको रेलमा खिया लाग्दा कुहिन थालेपछि परिक्षण गर्ने कार्य भईरहेको छ । जति सम्ममा ट्रयाक तयार छ त्यही सम्म रेल संचालन गर्नुपर्ने जनकपुरबासीले जोडदार रुपमा माग गर्दै आएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन