रौतहट, ९ साउन । रौतहटको विश्रामपुर नगरपालिका–२ स्थित नेपाल युवा क्लब (पुस्तकालय) परिसरमा आयोजित निःशुल्क मोतियाबिन्दु शल्यक्रिया शिविर भव्य रूपमा संचालन भईरहेको छ ।
आर्थिक रूपमा विपन्न तथा मोतियाबिन्दुबाट पीडित ग्रामीण नागरिकहरुको घरदैलोमै गएर विशेषज्ञ स्वास्थ्य सेवा सहज रूपमा उपलब्ध गराउने उद्देश्यले सञ्चालन गरिएको एक दिने निःशुल्क मोतियाविन्दु शल्यक्रिया शिविरको मधेश सरकारका पूर्व स्वास्थ्य मन्त्री तथा सर्लाही निर्वाचन क्षेत्र नम्वर ४ (क) का प्रदेश सभा सदस्य वीरन्द्र प्रसाद सिंहले एक समारोहका बीच उदघाटन गरेपछि शिविर संचालनमा आएको हो ।
नेपाल नेत्रज्योति संघ, गौर आँखा अस्पताल पुरेनवा तथा नेपाल ब्रह्मर्षि समाज रौतहटको संयुक्त आयोजनामा शिविरको संचालन गरिएको छ ।
उदघाटन समारोहलाई सम्बोधन गर्दै पूर्व मन्त्री सिंहले स्वास्थ्य सेवा प्रत्येक नागरिकको आधारभूत अधिकार भएको उल्लेख गर्दै आर्थिक अभावका कारण कुनै पनि नागरिक उपचारबाट वञ्चित हुन नहुने धारणा व्यक्त गरे । उनले यस्ता सेवामूलक तथा मानवीय कार्यक्रमबाट समाजमा सकारात्मक परिवर्तन ल्याउने विश्वास व्यक्त गर्दै स्वास्थ्य क्षेत्रमा निरन्तर सहकार्य र सहयोग आवश्यक रहेको बताए ।
सोही अवसरमा उनले वृक्षारोपण कार्यक्रम गर्दै वातावरण संरक्षण, हरियाली प्रवद्र्धन र स्वच्छ वातावरण निर्माणमा सबैले जिम्मेवारी निर्वाह गर्नुपर्नेमा जोड दिए । स्वास्थ्य र वातावरण एकअर्का सँग प्रत्यक्ष रूपमा जोडिएको विषय भएकोमा दुवै क्षेत्रमा समान प्राथमिकता दिनुपर्ने उनको कथन थियो ।
यस अभियानबाट उपचारको पहुँचभन्दा टाढा रहेका तथा आर्थिक रूपमा कमजोर नागरिकलाई ठूलो राहत पुगेको बताए । नेपाली कांग्रेस मधेश प्रदेश सूचना तथा सञ्चार विभागका सचिव तथा पूर्वमन्त्री सिंहका स्वकीय सचिव निकेश त्रिपाठीका अनुसार ग्रामीण क्षेत्रमा गुणस्तरीय निःशुल्क स्वास्थ्य सेवा विस्तार गर्ने उद्देश्यका साथ यस्ता कार्यक्रमलाई आगामी दिनमा अझ प्रभावकारी रूपमा निरन्तरता स्पष्ट पारे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन