नयाँदिल्ली, ९ साउन । नीट पेपर लीक प्रकरणलाई लिएर भारतभर शिक्षा मन्त्री धर्मेन्द्र प्रधानको राजीनामा माग गर्दै विद्यार्थी युवाहरूको प्रदर्शन तीव्र भइरहेका बेला प्रधानले सामाजिक सञ्जाल एक्स मार्फत आफूले राजीनामा प्रधानमन्त्रीलाई पठाएको बताएका छन् ।
यद्यपि उनको राजीनामा अझै स्वीकृत भएको छैनन । शिक्षामन्त्री प्रधानले एक्समा लेखेका छन्, ‘जन्तर–मन्तर र देशभर बनेको परिस्थितिबाट राष्ट्रविरोधी शक्तिहरूले लाभ नउठाऊन्, देशको एकता कायम रहोस्, कुनै पनि विद्यार्थीको भविष्य कानुनी पेचिलो प्रक्रियामा नफसोस् र विद्यार्थीहरूले आफ्नो समय पढाइ तथा करियर निर्माणमा केन्द्रित गर्न सकून् भन्ने सोचका साथ मैले प्रधानमन्त्री समक्ष आफ्नो त्यागपत्र पठाएको छु ।’
यसैबीच, ‘ककरोच जनता पार्टी’ का संस्थापक अभिजीत दीपकेले धर्मेन्द्र प्रधानको राजीनामा आएको दाबी गर्दै आन्दोलनलाई यसको कारण बताए । उनले भने, ‘हामीले गरेर देखायौं । प्रधानले राजीनामा दिएका छन् । सरकार सामु नझुके लोकतन्त्रमा जनदबाबले परिणाम दिन सक्छ ।’
नीट परीक्षा सञ्चालन र प्रश्नपत्र चुहावटको आरोपलाई लिएर भारतमा केही सातादेखि व्यापक विरोध प्रदर्शन जारी छ । यसअघि कांग्रेस सहित विभिन्न विपक्षी दलहरूले पनि प्रधानको तत्काल राजीनामा माग गर्दै आएका थिए ।
यद्यपि भारत सरकार वा प्रधानमन्त्री कार्यालयले शिक्षामन्त्री प्रधानको राजीनामा प्राप्त भएको वा स्वीकृत गरिएको सम्बन्धमा हालसम्म कुनै आधिकारिक पुष्टि गरेको छैन । त्यसैले राजीनामा पठाइएको दाबी र त्यसको स्वीकृतिबारे अन्तिम निर्णय आउन बाँकी रहेको भारतीय सञ्चारमाध्यमहरूले जनाए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन