रौतहट, ९ साउन । रौतहट जिल्ला अदालत बार एसोसिएसन गौरको अध्यक्षमा अधिवक्ता हेमचन्द्रलाल कर्ण निर्वाचित भएको छ ।
बार एसोसिएसनको ९ सदस्यीय जिल्ला कार्यसमितिका लागि शनिबार सम्पन्न निर्वाचनमा अध्यक्ष पदका उम्मेदवार कर्णले ३४ मत प्राप्त गर्दै विजयी भएको हो ।
उनका निकटतम प्रतिद्वन्द्वी अधिवक्ता लालबाबु रायले ३० मत प्राप्त गर्न सकेको प्रमुख निर्वाचन अधिकृत मुहम्मद मजरुल हकले जानकारी दिए ।
नयाँ कार्यसमिति चयनका लागि उम्मेदवारहरूले गत मंगलबार उम्मेदवारी दर्ता गराएका थिए । निर्वाचनमा कुल ६४ मत खसेकोमा निर्वाचन परिणाम अनुसार उपाध्यक्ष पदमा रामदरेश प्रसाद ३४ मत प्राप्त गरे निर्वाचित भए भने उनका प्रतिद्वन्द्वी रामईश्वर प्रसादले ३० मत प्राप्त गर्न सके ।
सचिवमा अफताव आलम र हरिश्चन्द्र पण्डितले समान ३२÷३२ मत प्राप्त गरेको छ । कोषाध्यक्ष पदमा जितेन्द्र कुमार सिंह र मो. अतिकुर रहमानले पनि समान ३२÷३२ मत प्राप्त गरेको प्रमुख निर्वाचन अधिकृत हकले जानकारी दिए ।
यी दुवै पदको अन्तिम टुंगो सम्बन्धित निर्वाचन प्रक्रिया अनुसार गरिने जनाइएको छ ।
सदस्य पदतर्फ रतिशकान्त झाले ४३ मत, जयनारायण मुखियाले ४१ मत, सुरेश प्रसाद श्रीवास्तवले ४० मत, सुनिल कुमार जयसवालले ४० मत तथा हरि बहादुर कार्कीले ३९ मत प्राप्त गर्दै निर्वाचित भएको निर्वाचन समितिको कार्यालयले जनाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन