जनकपुरधाम, १२ साउन । सुनसरी जिल्लामा भएको साम्प्रदायिक घटनापछि उत्पन्न संवेदनशील अवस्थालाई मध्यनजर गर्दै धनुषा जिल्लामा सदभाव विग्रन नदिन जिल्ला प्रशासन कार्यालय जनकपुरधामले ६ बुंदे निर्णय गरेको छ ।
जिल्ला प्रशासन कार्यालय जनकपुरधाममा मंगलवार प्रमुख जिल्ला अधिकारीको अध्यक्षतामा बसेको सामाजिक सदभाव, एकता र धार्मिक सहिष्णुता कायम गर्ने बैठकमा ६ बुंदे निर्णय गरेको हो ।
जिल्लामा बसेको सर्वपक्षीय बैठकले सामाजिक तथा धार्मिक सद्भाव कायम राख्न ६ बुँदे निर्णय गर्दै सार्वजनिक गरिएका छन् ।
बैठकले कुनै पनि बहानामा सामाजिक सद्भाव बिगार्ने, हिंसा भड्काउने, तोडफोड, आगजनी तथा भ्रामक सूचना फैलाउने गतिविधिमा संलग्न जो–कोहीलाई कानुन अनुसार कडा कारबाही गरिने चेतावनी दिए ।

नेपाल बहुभाषिक, बहुजातीय र बहुधार्मिक समाजको पहिचान जोगाउन सबै धर्म, जातजाति, भाषाभाषी तथा समुदायबीच आपसी सद्भाव, भाइचारा र धार्मिक सहिष्णुता कायम गर्न सबै पक्षबाट सक्रिय भूमिका निर्वाह गर्ने प्रतिबद्धता जनाइयो ।
बैठकले कुनै पनि विवाद वा संवेदनशील विषय उत्पन्न भए तत्काल सम्बन्धित समुदाय, जनप्रतिनिधि, सुरक्षा निकाय र जिल्ला प्रशासनबीच समन्वय गरी शान्तिपूर्ण रूपमा समाधान खोज्ने निर्णय गरियो ।
यस्तै, विरोध प्रदर्शनका नाममा तोडफोड, आगजनी, सरकारी तथा निजी सम्पत्तिमा क्षति पुर्याउने, फेसबुक, टिकटक लगायत सामाजिक सञ्जाल मार्फत भ्रामक अफवाह फैलाउने, धार्मिक तथा साम्प्रदायिक घृणा फैलाउने र सामाजिक सद्भावमा खलल पुर्याउने गतिविधि गर्ने व्यक्तिलाई मुलुकी अपराध संहिता, २०७४, विद्युतीय कारोबार ऐन, २०६३ तथा अन्य प्रचलित कानुन अनुसार कारबाही गरिने निर्णयमा उल्लेख छ ।
बैठकले शान्तिपूर्ण विरोध कार्यक्रम सञ्चालन गर्नुअघि स्थानीय प्रशासनलाई पूर्व जानकारी गराउनु पर्ने तथा प्रशासनले त्यस्ता कार्यक्रमको आवश्यक सुरक्षा व्यवस्था मिलाउने निर्णय पनि गरे ।
साथै, सुनसरी जिल्लामा भएको दुखद घटनाको निष्पक्ष छानबिन गरी दोषीमाथि कानुनी कारबाही गर्न नेपाल सरकारसमक्ष अनुरोध गर्ने निर्णय भएको धनुषाको सहायक प्रमुख जिल्ला अधिकारी भुदेव झाले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन