रौतहट, १५ साउन । सुनसरी र सिरहा सहित विभिन्न जिल्लामा भएका घटनापछि उत्पन्न संवेदनशील अवस्थालाई मध्यनजर गर्दै रौतहटका सम्पूर्ण राजनीतिक दलले धार्मिक सहिष्णुता, सामाजिक सद्भाव र शान्ति–सुरक्षा कायम राख्न संयुक्त अपिल जारी गरेका छन् ।
शुक्रबार जारी सामूहिक अपिलमा पछिल्ला घटनालाई आधार बनाएर सामाजिक सञ्जाल तथा सार्वजनिक स्थलमा भ्रामक सूचना, घृणायुक्त अभिव्यक्ति, धार्मिक तथा साम्प्रदायिक भावना भड्काउने गतिविधि नगर्न सबै नागरिक सँग आग्रह गरिएका हुन् ।
फेसबुक, टिकटक, इन्स्टाग्राम, ह्वाट्सएप, युट्युब लगायतका सामाजिक संजालहरुको माध्यमबाट अफवाह फैलाउने, पुराना घटनालाई वर्तमान सँग जोडेर भ्रम सिर्जना गर्ने तथा समुदाय बीच वैमनस्य फैलाउने कार्यप्रति गम्भीर चिन्ता व्यक्त गरिएको छ ।
राजनीतिक दलहरूले रौतहटमा लामो समयदेखि कायम रहेको सामाजिक सद्भाव, धार्मिक सहिष्णुता र विविधता बीचको एकतालाई कुनै पनि हालतमा कमजोर हुन नदिने प्रतिबद्धता जनाए । सबै धर्म, समुदाय, राजनीतिक दल, नागरिक समाज, बुद्धिजीवी, युवा तथा सञ्चारकर्मीलाई संयमता अपनाउँदै सामाजिक एकता सुदृढ बनाउन सक्रिय भूमिका खेल्न अपिल गरे ।
संयुक्त विज्ञप्तिमा विगतमा जिल्लामा देखिएका असहज अवस्था समेत आपसी सहमति र संवाद मार्फत समाधान गरिएको स्मरण गराउँदै अहिले पनि कुनै पनि उक्साहटपूर्ण गतिविधिमा संलग्न नहुन र समाजमा उत्तेजना फैलाउने कार्यक्रम नगर्न सबै पक्ष संग आग्रह गरिएको छ ।
राजनीतिक दलहरूले रौतहटलाई धार्मिक, सामाजिक र सांस्कृतिक एकता तथा सहिष्णुताको नमुना जिल्लाका रूपमा कायम राख्न साझा प्रतिबद्धता व्यक्त गर्दै शान्ति, सद्भाव र भाइचाराको वातावरण जोगाउन सबै नागरिकसँग सहयोगको आह्वान गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन