पर्सा, २० साउन । पर्सा प्रहरीले विन्दवासिनी गाउँपालिका क्षेत्रबाट सिमेन्टको बोरा भित्र लुकाएर ओसारपसार भइरहेको अवस्थामा करिव २०७ किलो गाँजा सहित एक जना पिकअप चालकलाई पक्राउ गरेको छ ।
जिल्ला प्रहरी कार्यालय पर्साका अनुसार, प्राप्त सूचनाका आधारमा इलाका प्रहरी कार्यालय पोखरिया र प्रहरी चौकी प्रसौनीभठ्ठाबाट खटिएका संयुक्त टोलीले विन्दवासिनी गाउँपालिका–५ स्थित सडक खण्डमा सवारी चेकजाँचको क्रममा हेटौंडा निवासी ४८ वर्षीय कृष्ण लामालाई नियन्त्रणमा लिएको हो ।
प्रहरीले लामाले चलाइरहेको प्रदेश ३–०१–२४ च ५३८५ नम्बरको टाटा योद्धा नामक पिकअपलाई जाँच गर्दा सिमेन्टको बोराभित्र लुकाएर राखिएको २०७ किलो गाँजा बरामद गरेको जनाए ।
बरामद गरिएको गाँजा, पिकअप र चालकलाई नियन्त्रणमा लिई लागुऔषध ओसारपसार सम्बन्धी कसुरमा थप अनुसन्धान अघि बढाइएको जिल्ला प्रहरी कार्यालय पर्साले जनाए । प्रहरीले लागुऔषध तस्करी नियन्त्रण तथा निगरानी र कारबाहीलाई अझ कडा बनाउने बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन