सर्लाही, २५ साउन । प्रहरी हिरासतमा रहेका व्यक्तिलाई रकम लिएर छुटाइदिने भन्दै रकमको कारोबार गरेको आरोपमा सर्लाही प्रहरीले एक जनालाई पक्राउ गरेको छ ।
घटनामा संलग्न रहेको अर्का व्यक्ति फरार भएपछि तिनको खोजी तीव्र पारेको जनाएको हो ।
जिल्ला प्रहरी कार्यालय सर्लाहीका अनुसार अनुसन्धानका क्रममा नियन्त्रणमा लिइएका मानिसलाई प्रहरी हिरासतबाट छुटाइदिने भन्दै रकम लिएको आरोपमा विष्णु गाउँपालिका–४ का ४० वर्षीय बेचैन भन्ने अवधेश चौधरीलाई पक्राउ गरिएको छ ।
चौधरीले सोही स्थानका राजेन्द्र रायसँग मिलेर प्रहरी कर्मचारीलाई प्रभावमा पारेर हिरासतमा रहेका व्यक्तिलाई छुटाउन रकम लिएको गम्भीर आरोप छ । चौधरीलाई साउन २३ गते पक्राउ गरी घटनाबारे थप अनुसन्धान भइरहेको सर्लाही प्रहरीले जनाए ।
घटना सार्वजनिक भएपछि फरार रहेका राजेन्द्र रायको खोजतलास भइरहेको जिल्ला प्रहरी कार्यालय सर्लाहीका प्रवक्ता एवं डिएसपी वेदप्रसाद गौतमले बताए ।
प्रहरीले नागरिकलाई ठगी तथा गैरकानुनी रकम असुलीबाट सचेत रहन आग्रह गर्दै नेपाल प्रहरीले प्रदान गर्ने सबै प्रकारका प्रहरी सेवा निःशुल्क हुने डिएसपी गौतमले स्पष्ट पारे । कसैले प्रहरीको नाममा रकम मागे वा यस्तै गतिविधि गरेको थाहा पाए तत्कालै प्रहरीलाई खबर गर्न समेत उनले आग्रह गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन