रौतहट, २६ साउन । रौतहटको मौलापुर नगरपालिका–३ मा गत बर्ष भएको मोटरसाइकल दुर्घटनामा परी युवकको मृत्यु भएको प्रकरणमा प्रहरीले वडाध्यक्ष सहित दुई जनालाई नियन्त्रणमा लिएर अनुसन्धान अघि बढाएका छन् ।
जिल्ला प्रहरी कार्यालय रौतहटद्वारा जारी प्रेस नोटमा, मौलापुर नगरपालिका–३ विद्युत कार्यालय नजिक मौलापुर–जयनगर सडकखण्डमा २०८२ साल असार ६ गते दिउँसो १ः४० बजेको समयमा मौलापुर–३ का वडा अध्यक्ष महेश महतो कोइरीले चलाएको ना.२५ प १२२५ नम्बरको मोटरसाइकल र सोही स्थानका २८ वर्षीय त्रिकिशोर कुशवाहाले चलाएको प्रदेश २–०३–००७ प ६६६५ नम्बरको मोटरसाइकल एक आपसमा ठोक्किएर दुर्घटना भएका थिए ।
दुर्घटनामा कुशवाहाले चलाएको मोटरसाइकलको पछाडि सवार सोही स्थानका करिब २० वर्षीय निरज कुशवाहा गम्भीर घाइते भएको थियो । उपचारका क्रममा उनको २०८२ साल माघ १७ गते बिहान करिब १०ः३० बजे मृत्यु भएको जिल्ला प्रहरी कार्यालय रौतहटद्वारा जारी प्रेस नोटमा उल्लेख गरिएको छ ।
घटनापछि प्रहरीले सवारी ज्यान सम्बन्धी मुद्दा दर्ता गरेर अनुसन्धान अघि बढाएको जानकारी दिदै रौतहट प्रहरीका प्रवक्ता एवं डिएसपी बसन्त गौतमले हिजो साउन २५ गते वडाध्यक्ष महेश महतो कोइरी र त्रिकिशोर कुशवाहालाई प्रहरीले नियन्त्रणमा लिइएको बताए ।
दुवै जनालाई नियन्त्रणमा लिएर दुर्घटनाको कारण, चालकको भूमिका तथा घटनासँग सम्बन्धित अन्य पक्षबारे थप अनुसन्धान भईरहेको समेत डिएसपी गौतमले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन