सर्लाही, ४ भदौं । सर्लाही प्रहरीले निरन्तर रुपमा लागुऔषध गाँजा नियन्त्रणमा लिने क्रम जारी रहेपनि ओसार पसारमा कमी आएको छ्र्रैनन् ।
यसैक्रममा विहिवार लालबन्दी नगरपालिकाबाट पुनः ठूलो परिमाणमा लागुऔषध गाँजा सहित दुई जनालाई पक्राउ गर्नुका साथै दुई कत्ठा जग्गामा लगाइएको गाँजा खेतीलाई नष्ट गरेका हुन् ।
लालबन्दी नगरपालिका–१४ डाइनी टोलमा विशेष सूचनाका आधारमा इलाका प्रहरी कार्यालय लालबन्दी र लागुऔषध नियन्त्रण ब्युरो कार्यालय बर्दिबास, महोत्तरीबाट खटिएको संयुक्त प्रहरी टोलीले दुई जनाको घरमा छापा मारेर ७४३ किलो ९८० ग्राम गाँजा बरामद गर्न सफल भएको सर्लाही प्रहरीका प्रवक्ता एवं डिएसपी वेदप्रसाद गौतमद्वारा हस्ताक्षरित विज्ञप्तीमा उल्लेख गरिएको छ ।
डाइनी टोलका ६७ वर्षीय नरबहादुर थिङ र सोही स्थानकी ५२ वर्षीया जेसुन माया थिङको घरमा प्रहरीले छापा मार्दा ड्राम तथा बोरामा लुकाएर राखिएको अवस्थामा उक्त परिमाणका गाँजा सहित दुवै जनालाई नियन्त्रणमा लिए ।
गाँजा बरामद गरेपछि प्रहरीले थप अनुसन्धानका क्रममा सोही स्थान नजिकै रहेको मकैबारी पछाडि रहेका करिब २ कठ्ठा सार्वजनिक जग्गामा लगाइएको गाँजाखेतीलाई समेत फेला पारेको विज्ञप्ती मार्फत जानकारी दिदै डिएसपी गौतमले गाँजाको बोटहरुलाई नष्ट गर्न सफल भयौं ।
बरामद गाँजा र नियन्त्रणमा लिइएका दुवै जनालाई इलाका प्रहरी कार्यालय लालबन्दीमा राखेर लागुऔषध सम्बन्धी कसुरमा थप अनुसन्धान भइरहेको छ ।
दिनैपिच्छे ठूलो परिमाणमा गाँजा बरामद हुनु र सार्वजनिक जग्गामै गाँजाखेती फेला पर्नुले सर्लाहीमा लागुऔषध नियन्त्रण गर्न चुनौती रहेको देखिन्छ ।


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन