रौतहट, १३ भदौं । रौतहटको चन्द्रपुर नगरपालिका–२ जुडीबेला स्थित एकीकृत कृषि फर्मको गाई गोठमा शनिवार विहान अचानक आगलागी हुँदा ७ वटा चौपाया जलेर मरेपछि करिब ९ लाख मूल्य बराबरको क्षति भएको छ ।
आज विहान ५ बजेको समयमा सन्तोषी बस्नेतको आचार्य एकीकृत कृषि फर्मको गोठमा अचानक आगलागी भएपछि उक्त क्षति भएको हो ।
आगो लागेको सूचना प्रहरीले विहान सवा ६ बजे ढिलो पाउना साथ इलाका प्रहरी कार्यालय चन्द्रनिगाहपुर तथा अस्थायी प्रहरी पोस्ट जुडीबेलाबाट प्रहरी टोली घटनास्थल परिचालन गरिएका थिए ।
प्रहरी र स्थानीयवासीको संयुक्त प्रयासमा बिहान ६ः५० बजेको समयमा आगो माथि पूर्ण रूपमा नियन्त्रणमा लिइएको जिल्ला प्रहरी कार्यालय रौतहटले जनाए । आगलागीमा परेर ४ वटा गाई, २ वटा गाईका बाच्छा र १ वटा भैंसी जलेर मरेका रौतहट प्रहरीका प्रवक्ता एवं डिएसपी बसन्त गौतमलले जानकार िदिए । यस्तै, २ वटा गाई र १ वटा खसी जलेर घाइते अवस्थामा उद्धार गरिएको उनले भने ।
प्रहरीको प्रारम्भीक अनुसन्धानबाट उक्त आगलागीबाट ९ लाख मूल्य बराबरको धनमाल क्षति भएको बताइएको छ ।
आगलागीको कारण तत्काल खुल्न नसकेको र घटनाबारे थप अनुसन्धान भइरहेको प्रहरीले जनाए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन