रौतहट, १५ भदौं । भोटेकोशी र त्रिशुली नदीमा आएको महाविनाशकारी जलप्रलयबाट प्रभावित परिवारका लागि ग्रामीण विकास केन्द्र (आरडिसी) नेपाल, रौतहटले राहत सामग्री उपलब्ध गराएको छ ।
अक्सफाम नेपालको सहयोगमा आरडिसी नेपालले महाविनाशकारी जलप्रलय प्रभावित ५० घरधुरीलाई करिब ६ लाख ५० हजार रुपैयाँ बराबरको खाद्यान्न, सरसफाइ सामग्री तथा अस्थायी आवासका लागि आवश्यक सामग्री उपलब्ध गराएको हो ।
बाढी प्रभावित परिवारको तत्कालीन आवश्यकता पूरा गर्ने उद्देश्यले खाद्यान्न, सरसफाइ सामग्री र अस्थायी आश्रयका लागि आवश्यक सामग्री उपलब्ध गराइएको संस्थाले जनाए ।
ग्रामीण विकास केन्द्र नेपालका कार्यकारी निर्देशक आशिषकुमार सिंहले विपद्को कठिन अवस्थामा प्रभावित परिवारलाई थप सहयोग पुर्याउन संस्थाका कर्मचारीहरू एकजुट भएर स्रोत जुटाउने तथा राहत सामग्री प्रभावित सम्म पुर्याउने कार्यमा सक्रिय रहेको बताए ।
उनका अनुसार आगामी दिनमा प्रभावित परिवारका लागि थप राहत तथा सहयोग उपलब्ध गराउन अन्य दाता तथा साझेदार संस्थासँग समन्वय र सहकार्यका लागि पहल भइरहेको छ । आवश्यकताका आधारमा बाढी प्रभावित नागरिकलाई सहयोग उपलब्ध गराउन संस्था निरन्तर सक्रिय रहने उनले बताए । यसैगरी, आरडिसी नेपालले आफ्ना कर्मचारी तथा अन्य सहयोगी स्रोतबाट थप रकम संकलन गरी प्रधानमन्त्री दैवी प्रकोप उद्धार कोषमा जम्मा गर्ने प्रतिबद्धता जनाए ।
संस्थाले विपद्को समयमा प्रभावित नागरिकको उद्धार, राहत तथा पुनःस्थापनाका लागि सरकारी निकाय, गैरसरकारी संस्था र अन्य सहयोगी पक्षबीच प्रभावकारी सहकार्य आवश्यक रहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन