रौतहट, १८ भदौं । चाडपर्वलाई लक्षित गर्दै जिल्ला प्रशासन कार्यालय रौतहटले चर्को आवाजमा डिजे तथा लाउडस्पिकर बजाउने र अश्लील नाचगान नगर्न–नगराउन आग्रह सहित कडा चेतावनी दिएको छ ।
जिल्ला प्रशासन कार्यालय गौरले आज विहिवार सार्वजनिक अपिल जारी गर्दै विवाह, व्रतबन्ध, मेला, जात्रा तथा महोत्सव जस्ता धार्मिक तथा सांस्कृतिक कार्यक्रममा चर्को आवाजमा डिजे, लाउडस्पिकर बजाउने र सार्वजनिक स्थानमा हो–हल्ला गर्ने कार्यले ध्वनि प्रदूषण बढाउनुका साथै दैनिक जनजीवन, बिरामीको स्वास्थ्य, अध्ययन–अध्यापन तथा स्वास्थ्य संस्थाको सेवा प्रवाहमा समेत असर पार्ने भएको हुँदा उक्त कार्य नगर्न र नगराउन चेतावनी दिएको हो ।
प्रशासनले विशेषगरी अश्लील नाचगानका कारण महिला तथा बालबालिकामा असहजता र नकारात्मक प्रभाव पर्ने भन्दै यस्ता गतिविधि पूर्ण रूपमा रोक्न जिल्लावासीलाई आग्रह गरे ।
जिल्ला प्रशासन कार्यालय रौतहटका सहायक प्रमुख जिल्ला अधिकारी हेमराज फुयालद्वारा जारी सूचनामा सार्वजनिक अपिलको उल्लंघन गर्ने जो–कोही माथि कानुन बमोजिम कारबाही गरिने स्पष्ट चेतावनी दिए ।
चाडपर्वको नाममा मनोरञ्जन गर्ने क्रममा अरूको स्वास्थ्य, शान्ति र सामाजिक वातावरणमा असर नपार्न आग्रह गर्दै जिम्मेवार र मर्यादित रूपमा पर्व मनाउन जिल्लावासीलाई अनुरोध उनले गरे ।
प्रशासनले जारी गरेको अनुरोध सँगै अब चाडपर्वका नाममा रातिसम्म चर्को डिजे बजाउने तथा अश्लील कार्यक्रम सञ्चालन गर्नेहरू प्रशासनको निगरानी रहने समेत जारी अपिलमा भनिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन