दाइजोको निहुँमा आरतीको हत्या गरेको आरोप, पंखामा झुन्ड्याएर आत्महत्या देखाउन खोजिएको माइतीको दाबी

0 Shares

प्रेमचन्द्र झा
रौतहट, १९ भदौं । बाराको सिम्रौनगढ नगरपालिका–५ इटवालकी २० वर्षीया आरती कुमारीको मृत्यु प्रकरणमा माइती पक्षले दाइजोको निहुँमा कुटपिट गरी हत्या गरेर आत्महत्या जस्तो देखाउन पंखामा झुन्ड्याइएको आरोप लगाएका छन् ।
घटनामा संलग्न भनिएका व्यक्तिहरूलाई वारा प्रहरीले हालसम्म नियन्त्रणमा नलिएको भन्दै पीडित परिवारले शुक्रबार गौरमा पत्रकार सम्मेलन गरी दुःख व्यक्त गरेका हुन् ।
मृतक आरतीका दाजु नेपाली साह तेलीले इलाका प्रहरी कार्यालय सिम्रौनगढमा दिएको जाहेरीमा आरतीको हत्या भएको दाबी गर्दै उनका श्रीमान अनिष साह तेली सहित पाँच जनाविरुद्ध अनुसन्धान र कानुनी कारबाहीको माग गरे ।
जाहेरीमा सिम्रौनगढ नगरपालिका–५ इटवालका ५७ वर्षीय अनोती प्रसाद तेली, उनका छोरा २४ वर्षीय अनिष साह तेली, ५२ वर्षीया सबिता देवी, ३२ वर्षीया इन्दु देवी र २८ वर्षीया कृष्णा देवीलाई घटनामा संलग्न रहेको हुँदा मुख्य आरोपित बनाइएको छ ।
माइती पक्षका अनुसार आरतीको विवाह अनिष साह तेलीसँग हिन्दु परम्परा अनुसार भएको थियो । विवाहका क्रममा माइती पक्षले तिलक र मोटरसाइकलका लागि गरी ७ लाख ५० हजार रुपैयाँ, सुनको हनुमानी लगायतका सामग्री दिएको थियो ।
त्यस्तै, केही दिनअघि मात्रै करिब २ लाख ५० हजार रुपैयाँ मूल्यका पलङ, कुर्सी, गद्दा लगायत फर्निचर समेत दिएको जाहेरीमा उल्लेख छ । तर, त्यसपछि पनि ससुराली पक्षबाट बच्चाका लागि सुनको बाला माइतीबाट मागेर ल्याउन दबाब दिइएको र थप दाइजो दिन नसक्ने बताएपछि आरतीलाई मानसिक तथा शारीरिक यातना दिन थालिएको माइती पक्षले आरोप लगाए ।
जाहेरीमा आरतीले आफूलाई ससुराली पक्षले दिएको यातनाबारे पटक–पटक फोन तथा ह्वाट्स एप मार्फत माइतीलाई जानकारी गराउने गरेको उल्लेख छ । सुरुमा सामान्य पारिवारिक विवाद होला भन्दै परिवारका सदस्यहरूले सम्झाउने प्रयास गरेको भए पनि अन्ततः दुर्घटना भयो । माइती पक्षका अनुसार २०८३ साउन २७ गते बिहान करिब ६ बजे आरतीलाई घरकै भान्सा कोठामा कुटपिट गरिएको र हातमा लगाएका चुरा फुटेको अवस्थामा भेटिएको थियो । त्यसपछि उनको हत्या गरी अर्को कोठामा रहेको सिलिङ पंखामा कपडा बाँधेर झुन्ड्याइएको उनीहरूको आरोप छ ।
घटनाबारे आरतीका माइतीलाई तत्काल जानकारी समेत नगराइएको जाहेरीमा उल्लेख छ । अनोती प्रसाद तेलीका जेठा छोरा सुनिल साह मलेसियामा रहेको र उनले विदेशबाट इमोमार्फत आरतीको मृत्यु भएको जानकारी दाजु नेपाली साहलाई दिएको जाहेरीमा उल्लेख गरिएको छ ।
माइती पक्ष घटनास्थलमा पुग्दा आरतीको दाहिने हातमा चुरा नरहेको, भान्सा कोठामा फुटेका चुरा भेटिएको तथा बायाँ खुट्टामा चोटको डाम देखिएको दाबी गरेको छ । शव झुन्डिएको भनिएको अवस्थामा खुट्टा पलङमा टेकिएको देखिएकाले आत्महत्या नभई हत्या भएको हुनसक्ने उनीहरूको आशंका छ ।
घटनास्थलमा सामानहरू छरपस्ट अवस्थामा रहेको तथा मृतकको कपालसमेत अस्तव्यस्त देखिएको भन्दै माइती पक्षले घटनालाई आत्महत्याको रूप दिन खोजिएको गम्भीर आरोप लगाए ।
मृतकका दाजुले जाहेरी मार्फत घटनास्थल मुचुल्का, शव परीक्षण तथा पोस्टमार्टम प्रतिवेदन लगायत प्रमाणका आधारमा निष्पक्ष अनुसन्धान गरी दोषीमाथि कानुन बमोजिम कारबाही गर्न माग गरे । उनले मुलुकी अपराध संहिता, २०७४ को दफा १७७ बमोजिम कारबाही तथा दफा १८६ बमोजिम क्षतिपूर्ति उपलब्ध गराउन माग गरे ।
यसैबीच, गौरमा आयोजित पत्रकार सम्मेलनमा मृतकका माइती पक्षले घटनामा आरोपित व्यक्तिहरूलाई तत्काल नियन्त्रणमा लिएर निष्पक्ष अनुसन्धान गर्न प्रहरीसँग माग गरिएको छ । जाहेरी परेको लामो समयसम्म पनि आरोपितहरूलाई नियन्त्रणमा नलिइएको भन्दै उनीहरूले असन्तुष्टि व्यक्त गरेको छ ।
माइती पक्षले आरतीको मृत्यु आत्महत्या नभई दाइजोको दबाब र पारिवारिक यातनाका कारण भएको दाबी गर्दै घटनाको सत्यतथ्य सार्वजनिक गर्न र दोषीमाथि कडा कानुनी कारबाही गर्न माग गरे ।
घटनाबारे प्रहरीले औपचारिक रूपमा आरोपितहरूको संलग्नता पुष्टि गरिसकेको छैन । मृतकको पोस्टमार्टम प्रतिवेदन, घटनास्थलको मुचुल्का तथा प्रहरी अनुसन्धानबाट मृत्युको वास्तविक कारण र घटनामा कसको संलग्नता थियो भन्ने तथ्य खुल्नेछ ।
इप्रका सिम्रौनगढले जाहेरी लिन नमानेपछि हुलाक कार्यालय मार्फत पठाइएपनि जाहेरी दर्ता नभएपछि उच्च अदालत जनकपुरको अस्थायी इजलास वीरगञ्जमा परमादेशको जाँदा हुलाकबाट गएको पत्र मार्फत मुद्दा दर्ता गरेको पिडित परिवारले जनाए ।
यस विषयमा इप्रका सिम्रौनगढका प्रहरी निरीक्षक कष्णदेव प्रसाद साह संग सम्पर्क गर्न खोज्दा उनी संग कुरा हुन सकेनन् ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।