रौतहट, २२ भदौं । रसुवाको भोटेकोशी नदीमा आएको विनाशकारी बाढीपहिरोले निम्त्याएको मानवीय क्षतिको भयावह तस्वीर सार्वजनिक भएको छ ।
बाढी पहिरोमा परी ज्यान गुमाउने मध्ये हालसम्म १ हजार ३ सय ५५ जनाको शव फेला परेको छ भने ४ हजार ९ सय १६ जना अझै सम्पर्कविहीन रहेका हुन् ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको पछिल्लो विवरण अनुसार सोमबार बिहान ११ बजेसम्म फेला परेका शव मध्ये सबैभन्दा बढी चितवनमा ३६३, नवलपरासी पूर्वमा २२२, नवलपरासी पश्चिममा २२१, नुवाकोटमा १९७ र रसुवामा १६९ जनाको शव फेला परेको छ ।
यसैगरी, गोरखामा ७५, धादिङमा ७० र तनहुँमा ३८ जनाको शव फेला परेको प्राधिकरणले जनाए । फेला परेका शव मध्ये कतिपयमा पूर्ण शव नभई मानव शरीरका विभिन्न अंग समेत समावेश छन्, जसका कारण पहिचानको प्रक्रिया थप जटिल बनेको छ ।
फेला परेका शवमध्ये हालसम्म ९८ जनाको सनाखत गरी परिवारलाई बुझाइ सकिएको प्राधिकरणले जनाए । बाँकी शवको पहिचान तथा सनाखतका लागि सम्बन्धित निकायले आवश्यक प्रक्रिया अघि बढाइ रहेका छन् ।
बाढीपहिरो पछि अझै ४ हजार ९ सय १६ जना नागरिक सम्पर्कविहीन रहेको विवरणमा उल्लेख छ । जिल्ला प्रशासन कार्यालय रसुवाका अनुसार रसुवाबाट मात्रै १ हजार ९ सय ६७ जना र नुवाकोटबाट २ हजार ३ सय ४० जना नेपाली नागरिक सम्पर्कविहीन भएको छ ।
यसका अतिरिक्त करिब १ सय सुरक्षाकर्मी तथा कर्मचारी र ५ सय ९ जना विदेशी नागरिक समेत अझै बेपत्ता रहेको प्राधिकरणले जनाए । बेपत्ताको संख्या ठूलो रहेकाले मृतकको संख्या अझ बढ्न सक्ने आशंका गरिएको छ । खोज तथा उद्धार टोलीले प्रभावित क्षेत्रमा बेपत्ताको खोजी, शव संकलन तथा पहिचानको कामलाई निरन्तरता दिइरहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन