एआई प्रविधिबाट तयार पारिएका साँकेतिक तस्वीर
रौतहट, ९ असोज । रौतहटको मौलापुर नगरपालिका–४ स्थित लालबकैया पुलबाट एक युवक खोलामा हाम फालेर बेपत्ता भएका छन् ।
उपचारका लागि गरुडा तर्फ आउदै गरेका बारा सिम्रौनगढ नगरपालिका–११ कटहरिया टोलका २७ वर्षीय सचिन्द्र यादव लालबकैया खोलामा हाम फालेर बेपत्ता भएको जिल्ला प्रहरी कार्यालय रौतहटले जनाएका हुन् ।
यादव मानसिक स्वास्थ्य सम्बन्धी समस्याबाट ग्रसित रहेको व्यक्ति भएको र शुक्रबार दिउँसो मोटरसाइकलमा पछाडि सवार भएर उपचारका लागि गरुडा तर्फ आउदै गरेको अवस्थामा लालबकैया पुलमा मोटरसाइकलबाट ओर्लिएका थिए ।
बागमती प्रदेश–०२–०६२ प ८५४८ नम्बरको मोटरसाइकलमा आफ्ना दाजु सिकिन्द्र यादवसँग उपचारको लागि आउदै गरेका सचिन्द्र पुलमा पुगेपछि मोटरसाइकलबाट ओर्लिएर लालबकैया खोलामा हाम फालेको प्रारम्भिक विवरणमा खुलेको रौतहट प्रहरीका सूचना अधिकारी एवं डिएसपी बसन्त गौतमले जानकारी दिए ।
घटना दिउँसो करिब १ बजे भएपनि इप्रका मौलापुरलाई २ बजे मात्रै जानकारी गराइएपछि प्रहरी निरीक्षक भरत केसीको कमाण्डमा १७ जना र
सशस्त्र प्रहरी बल नेपाल सुरक्षा बेस क्याम्प देवाही गोनाहीबाट सशस्त्र प्रहरी निरीक्षक दिलबहादुर नेपालीको कमाण्डमा गोताखोर सहित ७ जनाको टोली परिचालन गरिएको डिएसपी गौतमले बताए ।
खोलामा सामान्य भन्दा बढि पानीको बहाव रहेको हुँदा वेपत्ता युवकको खोजी कार्य जारी रहेको तथा यादव खोलामा कुन कारणले हाम फाले भन्ने विषयमा प्रहरीले आवश्यक अनुसन्धान गरिरहेको डिएसपी गौतमले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन