रौतहट, ११ असोज । अविरल बर्षा पश्चात लाल बकैया नदीमा आएको बाढीबाट सम्भावित कटान–डुवान लगायतका क्षतिलाई न्यूनिकरण गर्न रौतहटको सुरक्षा निकाय निरन्तर रुपमा स्थलगत अनुगमन निरीक्षण गरेर सुक्ष्म निगरानी गरिरहेका छन् ।
रौतहटको राजपुर नगरपालिका–२ स्थित लालबकैया खोलाको पुल, बाँध तथा सम्भावित कटान र डुबान प्रभावित क्षेत्रको स्थलगत अनुगमन गरिएका हुन् ।
आइतबार बिहान देखि प्रमुख जिल्ला अधिकारी लक्ष्मीप्रसाद पौडेलको नेतृत्वमा सुरक्षा निकायका प्रमुख तथा स्थानीय जनप्रतिनिधि सहितको टोलीले लालबकैया खोलाको पुल, बाँध र जोखिमयुक्त क्षेत्रको निरीक्षण गर्ने क्रम जारी राखेको जिल्ला प्रहरी कार्यालय रौतहटले जनाए ।
अनुगमन टोलीमा नारायण दल गणका प्रमुख सेनानी विश्वास विष्ट, जिल्ला प्रहरी कार्यालयका प्रमुख एसपी सीताराम रिजाल, सशस्त्र प्रहरी बल नेपाल ११ नम्बर का प्रमुख सशस्त्र प्रहरी उपरीक्षक चेतराज जोशी, राष्ट्रिय अनुसन्धान कार्यालयका उपअनुसन्धान निर्देशक कुमार बुढाथोकी लगायतका सुरक्षा अधिकारी तथा मौलापुरका नगरप्रमुख रिनाकुमारी साह सहित स्थानीय जनप्रतिनिधिहरू सम्भावित जोखिम क्षेत्रमा निगरानी बढाएको छ ।
५०–५५ जनाको टोलीले पुल, बाँध तथा खोलाको आसपासका सम्भावित कटान र डुबान हुने स्थानको अवस्थाबारे स्थलगत निरीक्षण तथा निगरानी राखेको जिल्ला प्रहरी कार्यालय रौतहटका सूचना अधिकारी एवं डिएसपी बसन्त गौतमले बताए ।
यसैबीच, सम्भावित जोखिमलाई मध्यनजर गर्दै इलाका प्रहरी कार्यालय राजपुरबाट प्रहरी नायब निरीक्षक खिमबहादुर बिडारीको कमाण्डमा प्रहरी टोलीसमेत परिचालन गरिएको छ ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन