एआई प्रविधिको सहयोगमा तयार पारिएका साँकेतिक तस्वीर हो ।
रौतहट, १६ असोज । रौतहटको गौर भन्सार नाकाबाट स्रोत नखुलेको भारतीय नोट सहित दुई जना विदेशी नागरिक पक्राउ गरिएको छ ।
गौर नगरपालिका–१ स्थित गौर भन्सार कार्यालय अगाडि नेपाल प्रहरी र सशस्त्र प्रहरीको संयुक्त सुरक्षा टोलीले चेकजाँच गर्ने क्रममा भारतबाट नेपालतर्फ पैदल आउँदै गरेका दुई जनालाई शंकास्पद अवस्थामा नियन्त्रणमा लिएर चेकजाँच गर्दा एक लाख साढे आठ हजार भारतीय नोट फेला परेपछि दुबै जनालाई पक्राउ गरिएको जिल्ला प्रहरी कार्यालय रौतहटले जनाएको हो ।
भारत विहारको शिवहर जिल्ला अन्तर्गत रामपुर थानाको भटहा गाउँ बस्ने मोहन गिरीका २२ वर्षीय छोरा करणकुमार गिरी र सोही स्थानका रामेश्वर रायका ३५ वर्षीय छोरा लालबाबु रायलाई पक्राउ गरिएको प्रहरीका सूचना अधिकारी एवं डिएसपी बसन्त गौतमले बताए ।
नोट सहित पक्राउ गरिएका दुबै जनालाई आवश्यक अनुसन्धान तथा कारबाहीका लागि गौर भन्सार कार्यालयमा बुझाइएको डिएसपी गौतमले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन