स्वरूप परिवर्तन गरी ध्वनि प्रदूषण गर्ने मोटरसाइकलमाथि कारबाही, जनगुनासो बढेपछि ट्राफिक प्रहरी सक्रिय भएर दुई बाईक नियन्त्रणमा लिन सफल
रौतहट, १० कार्तिक । मोटरसाइकलको स्वरूप परिवर्तन गरी चर्को आवाज निकाल्दै ध्वनि प्रदूषण गर्ने दुईवटा मोटरसाइकललाई जिल्ला ट्राफिक प्रहरी कार्यालय रौतहटले नियन्त्रणमा लिएको छ ।
सर्वसाधारणबाट मोटरसाइकलको चर्को आवाजले सास्ती दिएको भन्दै व्यापक जनगुनासो बढेपछि ट्राफिक प्रहरीले विशेष सक्रियता देखाउँदै सोमवार राति दुईवटा मोटरसाइकल नियन्त्रणमा लिएको हो ।
मोटरसाइकलमा विभिन्न किसिमका स्वरुप परिवर्तन गरी ठूलो आवाज निकाल्ने गतिविधिले स्थानीय बासिन्दा तथा सर्वसाधारणलाई असहज बनाउनुका साथै ध्वनि प्रदूषण समेत बढाउने गरेको गुनासो प्रहरी समक्ष पुगेको पछि प्रहरीले त्यस्ता गतिविधि माथि निगरानी बढाउँदै कारबाही प्रक्रिया अघि बढाएको जनाए ।
जिल्ला ट्राफिक प्रहरी कार्यालय रौतहटका प्रमुख प्रहरी निरीक्षक राजेन्द्र थापा मगरले नियन्त्रणमा लिइएका दुवै मोटरसाइकल माथि आवश्यक कारबाही प्रक्रिया अगाडि बढाएको बताए ।
सवारीसाधनको स्वरूप परिवर्तन गरी अनावश्यक रूपमा चर्को आवाज निकाल्ने प्रवृत्ति नियन्त्रण गर्न ट्राफिक प्रहरीले सक्रियता बढाएको उनले भने । सवारीसाधनको अनधिकृत स्वरूप परिवर्तन, चर्को आवाज तथा ध्वनि प्रदूषणबाट सर्वसाधारणलाई हुने असुविधा कम गर्न प्रहरीले निगरानी र कारबाहीलाई निरन्तरता दिने जनाए ।
ट्राफिक प्रहरीले मोटरसाइकल चालकलाई सवारीसाधनको निर्धारित स्वरूप कायम राख्न, अनावश्यक आवाज निकाल्ने गतिविधि नगर्न र ट्राफिक नियमको पालना गर्न ट्राफिक प्रहरी निरीक्षक मगरले आग्रह गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन