रौतहट, १३ कार्तिक । रौतहटको गौरमा सशस्त्र प्रहरी र नेपाल प्रहरीले संयुक्त रूपमा एक कारोबारीको घरमा छापा मार्दा ११ लाख रुपैयाँभन्दा बढी मूल्यको कपडा बरामद गरेका छन् ।
विशेष सूचनाका आधारमा बिहीबार राति करिब ११ बजे गौर नगरपालिका–१ स्थित मनोज साह (छोट्का) को घरमा सुरक्षाकर्मीले छापा मारेका थिए । छापाका क्रममा भन्सार छली गरी भित्रर्याइएको आशंका गरिएको ठूलो परिमाणको कपडा बरामद भएको हो ।
सशस्त्र प्रहरी बल नेपाल नम्वर ११ गण हेडक्वाटरका एसपीको विशेष निर्देशनमा सशस्त्र प्रहरी बल नेपाल गौर गुल्मका डीएसपी दुर्गाप्रसाद भट्ट र भन्सार सुरक्षा गार्डका वरिष्ठ प्रहरी नायव निरीक्षकको संयुक्त कमाण्डमा खटिएको सुरक्षाकर्मीको टोलीले उक्त कारबाही गरेको स्रोतले जनाए ।
प्रारम्भिक जानकारीअनुसार बरामद कपडाको मूल्य ११ लाख रुपैयाँभन्दा बढी रहेको छ । बरामद सामानको परिमाण, प्रकृति तथा राजस्व सम्बन्धी विषयमा आवश्यक अनुसन्धान भइरहेको सशस्त्र प्रहरी स्रोतले जनाए ।
चाडपर्वको मौका छोपेर सीमावर्ती क्षेत्रबाट अवैध रूपमा सामान भित्रर्याई राजस्व छली गर्ने गतिविधि माथि निगरानी बढाउने क्रममा उक्त कारबाही गरिएको बताइएको छ ।
बरामद कपडाको विस्तृत विवरण, वास्तविक मूल्यांकन तथा थप कानुनी प्रक्रियाबारे केही समयपछि आधिकारिक जानकारी सार्वजनिक हुने अपेक्षा गरिएको छ ।
गौरसहित रौतहटका सीमावर्ती क्षेत्रमा पछिल्लो समय भन्सार छली तथा अवैध सामानको ओसारपसार नियन्त्रण गर्न सुरक्षा निकायले निगरानी बढाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन