रौतहट, १९ कार्तिक । रौतहट प्रहरीले चन्द्रपुर नगरपालिका–९ डुमरियाबाट भन्सार छलेर नाइट बसमा राखेर काठमाडौं तर्फ लैजादै गरेको अवस्थामा प्रहरीले चेकजाँच गर्दा सुर्ती र अन्जिर बरामद गरिएका छन् ।
जिल्ला प्रहरी कार्यालय रौतहटद्वारा जारी गरिएका प्रेस नोटमा, बुधवार राति साढे ९ बजेको समयमा इलाका प्रहरी कार्यालय डुमरियाबाट खटिएका प्रहरी टोलीले काठमाडौ तर्फ जादै गरेका प्रदेश ०३–००१ ख २५४० नम्बरको ‘नेपाल दर्शन’ बसबाट ३ बोरा (१०० केजी) सुर्ती र ११ कार्टुन (११० केजी) अन्जिर बरामद गरेका हुन् ।
यस्तै, प्रदेश ०३–००१ ख २७०५ नम्बरको ‘अनमोल ट्राभल्स’ बसबाट २५ केजी पानको पात, विभिन्न रङका २०० केजी रङ, गणेश र सरस्वतीका फ्रेमसहितका साना–ठूला ४८ थान फोटो तथा ठूला आकारका ३०० थान पोस्टर बरामद गरिएको प्रहरीको प्रेस नोटमा उल्लेख गरिएको छ ।
बरामद गरिएका उक्त भन्सार छलिका सामाहरुको प्रारम्भिक मूल्यांकन अनुसार करिब २ लाख २२ हजार ६ सय रुपैयाँ रहेको हो ।
प्रहरीले बरामद सामान आवश्यक कारबाहीका लागि इलाका प्रहरी कार्यालय डुमरियामा राखेको जनाए । सामान बरामद भएपछि दुवै बस भने आफ्नो गन्तव्य तर्फ गए ।
बसमा राखेर उक्त सामान काठमाडौं तर्फ कसले लगिरहेको सम्बन्धमा प्रहरीले आवश्यक अनुसन्धान गरिरहेको रौतहट प्रहरीका प्रवक्ता एवं डिएसपी बसन्त गौतमले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन