बारा, २१ कार्तिक । बाराको जीतपुरसिमरा उपमहानगरपालिका–१५ डुमरवानामा एक युवकको शव शंकास्पद अवस्थामा फेला परेको छ ।
स्थानीय ३० वर्षीय वीरेन्द्र माझीको शव शनिबार बिहान विशेष आर्थिक क्षेत्र (सेज) अन्तर्गतको खेतमा रहेको कुलोमा स्थानीयहरुले देखि पछि प्रहरीलाई खवर गरेका थिए ।
इलाका प्रहरी कार्यालय सिमराका प्रहरी निरीक्षक दिवस कुँवरले खेतमा काम गर्न गएका स्थानीयले कुलोमा शव देखेको थियो ।
ट्रेक्टर चालक रहेका माझी हिजो साँझ घरबाट बाहिर निस्किएपनि राति घर फर्किन सकेन । तर शनिबार बिहान उनको शव खेतको कुलोमा फेला परेपछि घटनाले स्थानीय क्षेत्रमा डर त्रास सिर्जना भएको छ ।
घटनास्थलमा नयाँ कपडा सहितको झोलासमेत फेला परेको प्रहरीले जनाए । प्रारम्भिक अनुसन्धानका क्रममा घटनापछि मृतककी श्रीमती सम्पर्क विहीन रहेको तथ्य प्रहरी श्रोतबाट खुलेको छ ।
घटनास्थलमा भेटिएका सामग्री र मृतककी श्रीमती सम्पर्कमा नरहेको विषयलाई समेत अनुसन्धानको दायरामा राखेर प्रहरीले घटनाको थप छानबिन गरिरहेको जनाए ।
घटनाको वास्तविकता पोस्टमार्टम रिपोर्ट र थप अनुसन्धानपछि खुल्ने बारा प्रहरीले अपेक्षा गरेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन