join zoom meeting with id and password zoom download requirements zoom app do zoom app downloard pcr test bergen op zoom gratis why is my nhs pcr test taking so long cloud zoom jquery download

कोरोना प्रोटोकलको उलंघन गर्दै जिम्मेवार राजनितिक दलका नेताहरु

   १७ माघ २०७८, सोमबार १७:३१  

रौतहट, १७ माघ । कोभिड–१९ को संक्रामकलाई मध्य नजर राख्दै नेपाल सरकारको स्वास्थ्य मन्त्रालयले निर्धारण गरेको स्वास्थ्यको मापदण्ड पुरा गरेर मात्रै घर बाहिर निस्कन र सोको पालना गर्न राज्यको हरेक नागरिकको दायित्व रहेको छ ।
नेपाल सरकारले संक्रामक रोग ऐन २०२० अनुसार महामारीका बेला राज्यले जारी गरेको नियम र आदेश उल्लंघन गर्न पाइँदैन । राज्यका हरेक कानुन र नियम मान्नु नागरिकको कर्तव्य हो ।
महामारीका समयमा त हरेक नागरिकको भूमिका महत्वपूर्ण हुन्छ । तर एमाले अध्यक्ष एवं पूर्वप्रधानमन्त्री केपी ओलीले भने महामारीलाई नै मजाक बनाइदिएको पाइएका छन् । कोभिड महामारी सुरु भएदेखि यसलाई सामान्य ठान्दै आएका ओली अहिले कोरोना संक्रमित भएर होम आइसोलेसनमा छन् । उनको अवस्था सामान्य छ । गत शनिबार मात्र उनलाई कोरोना पुष्टि भएको थियो ।
आइसोलेसनमा बसेका उनको रिपोर्ट नेगेटिभ आएको छैन । तर रिपोर्ट नेगेटिभ नआइकन ओली सार्वजनिक कार्यक्रममा सहभागी भएका छन् । बिहीबार एमाले निकट युवा संघले आयोजना गरेको रक्तदान कार्यक्रममा ओलीलाई सहभागी गराइएको हो । प्रमुख प्रतिपक्षी दलका नेतासमेत रहेका ओली रिपोर्ट नेगेटिभ नआई सार्वजनिक कार्यक्रममा सहभागी भएर सामाजिक अपराध गरेको भन्दै अहिले उनको आलोचना हुन थालेको छ ।
आफैं कानुन बनाउने ठाउँमा पुगेका ओलीले आफ्नो कदमले समाज कतातिर जान्छ भन्ने नसोचेको भन्दै उनको कडा आलोचना भइरहेको छ । सर्वसाधारण नागरिकलाई संक्रामक रोग लिएर सार्वजनिक स्थानमा हिँड्दा कानुन लाग्छ तर दुईपटक प्रधानमन्त्री भइसकेका र प्रमुख प्रतिपक्ष दलका नेताले कोरोना बोकेर यसरी हिँड्दा के हुन्छ भन्दै उनीमाथि प्रश्न उठेको छ ।
कांग्रेस महामन्त्री विश्वप्रकाश शर्माले त ओलीको हर्कतलाई गैरजिम्मेवारीको पराकाष्टा भनेका छन् । संक्रमण पुस्टिपछि आइसोलेसनमा बस्नु हामी हरेकको जिम्मेवारी हो । पालना नगर्नु बहादुरी होइन गैह्रजिम्मेवारीको पराकाष्ठा, कानुनको उल्लंघन र अन्य नागरिकको जीवनप्रति गम्भीर खेलबाडसमेत हो, शर्माले ओलीप्रति लक्षित गर्दै सामाजिक सञ्जालमा आफनो भावना यसरी राखेका थिए ।

फेसबुकबाट तपाईको प्रतिक्रिया सबै