नारायणी अस्पताल वीरगञ्जमा उपचार भईरहेका रौतहटको ७० बर्षिय पुरुषको कोरोनाबाट मृत्यु

पर्सा, २३ माघ । कोरानाबाट संक्रमित भई नारायणी अस्पताल वीरगञ्जमा उपचार गराईरहेका रौतहट माधवनारायण नगरपालिकाको ७० बर्षिय पुरुष व्यक्तिको मृत्यु भएको छ ।
मुटु रोगबाट ग्रसित रहेका माधवनारायण नगरपलिका वडा नम्वर १ का ७० बर्षिय पुरुषलाई उपचारको लागि गत शुक्रवार नारायणी अस्पताल वीरगञ्जमा भर्ना गरिएका थिए । अस्पतालमा भर्ना गरिदा उनको एन्टिजेन प्रविधिबाट कोरोना टेष्ट गर्दा रिपोर्ट पोजेटिभ आएको थियो ।
उनको उपचारको क्रममा शनिवार मृत्यु भएको नारायण अस्पताल वीरगञ्जका कोभिड संयोजक डा. उदयनारायण सिंहले बताए । मृतक व्यक्तिले कोरोना विरुद्धको भेरोसेल खोपको दुबै मात्रा लिएका थिए ।