download zoom meeting for windows download zoom cloud meeting app for windows 10 online zoom download soundboard for zoom download zoom download attendee list

चिनियाँ नागरिकको अर्को अपराध सार्वजनिक, जिउदो मान्छेले मृत्यु प्रमाण पत्र लिदा खेरी समातियो

   २९ माघ २०७८, शनिबार ०८:४९  

काठमाडौं, २९ माघ । नेपालमा बसेर चिनियाँ नागरिकहरु अपराधिक क्रियाकलापमा लागेको वेला वेलामा रहस्या खुल्दै आएको छ ।
पछिल्लो समयमा चिनियाँ नागरिकहरु भिजिट भिसामा नेपालमा आएर विभिन्न क्रियाकलापमा संलग्न भई अपराधिक कार्यमा गरिरहेको कार्यको पर्दाफास भएको हो । एटिएमबाट नेपालीको पैसा चोर्ने देखि विवाह गर्छु भनेर नेपाली चेली तस्करी गर्ने सम्मका अपराधमा संलग्न चिनियाँ नागरिकले पछिल्लो समय कीर्ते अपराधमा समेत संलग्न भएको पाइएका छन् ।
चिनियाँ नागरिकले त मृत्यु प्रमाणपत्र नै कीर्ते गरेको पाइएको हो । आफू ज्युँदो हुँदाहुँदै पनि मृत्यु प्रमाणपत्र बोकेर हिँडेको फेला परेपछि प्रहरीले हिरासतमा लिएको छ । काठमाडौंको टेकु स्थित शुक्रराज ट्रिपकल अस्पतालबाट वाङ् योङ्ग नाम गरेका चिनियाँ नागरिक विभिन्न नक्कली कागज पत्रसहित पक्राउ परेका हुन् ।
नक्कली मृत्यु प्रमाणपत्र बोकी हिँडेको भन्ने गोप्य सूचनाका आधारमा महानगरीय प्रहरी बृत्त कालीमाटीबाट खटिएको प्रहरीद्वारा टोलीले उनलाई पक्राउ गरेको हो । ती चिनियाँ नागरिलाई लिखित कागजात तथा सामान सहित नियन्त्रणमा लिइएको महानगरीय प्रहरी परिसर काठमाडौंका प्रवक्ता एसपी दिनेशराज मैनाली जानकारी दिए ।
उनका साथबाट कालो रंगको भिर्ने झोला, वाङ् योङ्ग र सिएओ जेआई नाम गरेका दुई ओटा राहदानी, ग्रिन सिटी अस्पतालको नाममा जारी गरिएको मृत्यु प्रमाणपत्र सहितको कागजात, पशुपति आर्यघाट सेवा केन्द्रको नाममा जारी गरिएको कागजात र ओप्पो कम्पनीको मोबाइल सेट बरामद गरिएको छ ।
घटनाको सम्बन्धमा मुलुकी अपराध संहिता २०७४ को परिच्छेद २५ अन्तर्गत दफा २७६ को उपदफा (१) बमोजिम “किर्ते गर्न नहुने कसूर” मुद्दामा जिल्ला अदालत काठमाडौंबाट ५ दिनको म्याद थप अनुमति लिएर महानगरीय प्रहरी बृत्त कालीमाटीबाट थप अनुसन्धान कार्य भइरहेको प्रहरीले जनाएको छ ।

फेसबुकबाट तपाईको प्रतिक्रिया सबै