zoominfo stock ipo zoom app join download zoom_amd64.deb download older versions of zoom zoom login uk online uk us download zoom icon zoom app zoominfo extension not loading

भारतबाट आयात निर्यात गर्न जोगवनी नाकाको पुल चाँडै संचालनमा आउने

   ५ फाल्गुन २०७८, बिहीबार ०८:२६  

विराटनगर, ५ फागुन । विराटनगर स्थित नेपाल भारत सीमनको जोगबनी नाकाबाट आयात-निर्यात सहज बनाउन भारततर्फको नयाँ पुल सञ्चालन गरिने भएको छ ।
भारतीय सडक, परिवहन तथा राजमार्ग मन्त्री नितिन गड्करीले एक महिनाभित्र पुल सञ्चालनमा ल्याउन मातहत निकायलाई निर्देशन दिएका बताएका हुन् ।

मीरगञ्जस्थित पुल क्षतिग्रस्त भएपछि आयात निर्यात प्रभावित हुँदै आएको छ । मोरङ व्यापार संघले उक्त पुलको विकल्पमा नजिकैको निर्माणाधीन पुल सञ्चालनमा ल्याउन आग्रह गर्दै आएको थियो ।
बथनाहा–जोगबनी सडक खण्डमा पर्ने उक्त पुल सञ्चालनमा आएपछि आयात निर्यात सहज हुने संघका अध्यक्ष नवीन रिजालले बताए । उनका अनुसार नेपालस्थित भारतीय राजदूतावास मार्फत मन्त्री गड्करीले महिनाभित्रै पुल सञ्चालनमा ल्याइने बताएका हुन् । यसका लागि भारतस्थित नेपाली राजदूतावासले पनि संघले प्रस्तुत गरेको मागका आधारमा भारत सरकारको ध्यानाकर्षण गराएको थियो ।

पुल सञ्चालनका लागि संघले नेपाल र भारतका प्रधानमन्त्री, मन्त्रीहरू साथै सम्बन्धित निकायको ध्यानाकर्षण गराउँदै आएको रिजालले बताए । जोगबनी नाका हुँदै सुनसरी–मोरङ औद्योगिक कोरिडोरका उद्योगका लागि कच्चापदार्थ साथै अन्य सामान आयात हुने गरेको छ ।

यसैगरी नेपालबाट निर्यात हुने सामान उक्त नाका हुँदै पठाइने गरिएको छ । पुल क्षतिग्रस्त भएर ढुवानीका साधन जान नसक्दा भीमनगर–भण्टाबारी नाका हुँदै आयात निर्यात गर्ने गरिएको थियो । यसो गर्दा घुमाउरो बाटो आउजाउ गर्नुपर्ने साथै ढुवानी खर्च वृद्धि भई सामानको लागतसमेत बढ्ने गरेको उद्योगी–व्यवसायीले बताउँदै आएका छन् ।

विगतमा मीरगन्ज पुलको विकल्पमा अर्को पुल निर्माणका लागि ध्यानाकर्षण गराइँदै आएको थियो । दुई वर्षयता निर्माणाधीन चार लेनको पुल अन्तिम चरणमा पुगेको छ ।

फेसबुकबाट तपाईको प्रतिक्रिया सबै