सिरहा, ११ पुस । सिरहाको गोलबजारबाट विश्वमै दुर्लभ मानिएको अतिसंकटापन्ना स्तनधारी सालक सहित एक मोटरसाइकललाई सशस्त्र प्रहरीले बरामद गरेको छ ।
गोलबजार नयरपालिका वडा नम्वर २ लालपुर फतिंग्राबाट विश्वमै दुर्लभ मानिएको सालक लिएर मोटरसाइकलमा हिडेको विशेष सुचनाको आधारमा शस्त्र प्रहरीको वेस क्याम्प गोलबजार प्रहरी निरीक्षक सहितको टोलीले पछि गर्दै जादा मोटरसाइकल छाडी भएको र मोटरसाइकलमा राखिएको सामानलाई चेकजाँच गर्दा दुर्लभ सालक बरामद भएको हो

जिल्लाको चुरे क्षेत्रको आसपासबाट सालकको तस्करी हुन्छ भन्ने गोप्य सुचनाको आधारमा सशस्त्र प्रहरीले उक्त क्षेत्रमा निगरानी बढाएका थिए । सशस्त्र प्रहरीको बेश गोलबजारबाट असई रामअयोंध्या महतो र बरिष्ठ हबल्दार रामबिर मण्डल खटिएको टोलीलाई देखिनासाथ स.१०.प ३३३० नम्बरको मोटरसाईकलमा सवार व्यक्ती तिब्रगतिमा भाग्न थाल्दा सशस्त्र प्रहरीले पिछा गर्दै जाँदा तस्करीमा संलग्न व्यक्ती मोटरसाईकल छाडी भाग्न सफल भएको छ ।
बेस क्याम्पको प्रहरी निरिक्षक दिपक कोईरालाका अनुसार बरामद मोटरसाइकलको नम्वरबाट सवारी धनिलाई समातेपछि सबै पोल खुलिने विश्वास छ । सो नम्वरबाट बास्तविक धनीलाई पत्ता लगाउन स्थानिय प्रहरी, यातायात र डिभिजन वन कार्यालय संग समन्वयमा खाजी कार्य गरिने उनले जानकारी दिए । बरामद भएका वन्यजन्तु सालक सहित मोटरसाईकल आजै डिभिजन वन कार्यालय लाहानमा बुझाइएको सशस्त्र प्रहरी निरीक्षक दिपक कोइरालाले बताए ।
सालक संसारको सबै भन्दा बढी तस्करी हुने स्तनधारी जनावर हो । बिश्वमा औषत ५ मिनेटमा एक सालकको हत्या हुने गर्दछ । सालकको खपटा चिनी रोगको औषधी, फिङ्गर प्रिन्टको केमिकल र चिनमा पराम्परागत मासु औषधी बनाउन प्रयोग हुने र अन्तराष्ट्रिय बजारमा अत्याधिक माग हुने भएकोले यसको तस्करी बढी हुने गरेको विज्ञहरु बताउँछन् ।
त्यती मात्रै नभई बालीनालीको पहरेदार मानिने सालकले बर्षमा ७ करोड कमिला र किरा फट्याङ्ग्रा खान सक्छ । वन्यजन्तुको अवैध व्यापार सम्बन्धी अन्तराष्ट्रिय महासन्धी (साईटिस) ले सालकको व्यपारलाई अपराध मानेको छ भने राष्ट्रिय निकुञ्ज तथा वन्यजन्तु संरक्षण ऐनमा दुर्लभ तथा संरक्षित वन्यजन्तुको ओखेटोपहार राख्ने, खरिद गर्ने, बिक्री गर्ने वा ओसार पसार गर्ने व्यक्तीलाई ५ लाख रुपैया देखी १० लाख रुपैया सम्म जरिवाना वा ५ बर्ष देखी १५ बर्ष सम्म कैद वा दुवै सजाय हुने व्यवस्था छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन