स्थानीय तह निर्वाचनमा दलहरु एजेन्डा विहिन, नेताहरु गाली गर्दै कार्यकर्ताहरु ताली पटपटाउदै

406 Shares

यति वेला राजनीतिक दललाई चुनाव लागिसकेको छ । स्थानीय तह निर्वाचन लक्षित गरेर दलहरू प्रचार प्रसारलाई तीव्रता दिन थालेका छन् । वैशाख ३० गतेलाई तोकिएको निर्वाचन केन्द्रित गरेर राजनीतिक दलहरू यतिबेला गाउँघर तिर केन्द्रित हुन थालेका छन् ।
जति–जति निर्वाचन नजिकिँदै गइरहेको छ, त्यति धेरै नै नेताहरूको सक्रियता बढिरहेको छ । नेताहरूको सक्रियता बढ्दा कार्यकर्तामा पनि स्वाभाविकले बढ्छ । नेताहरू भाषण गर्ने, कार्यकर्ता पटटट ताली पड्काउने ।
चुनाव नजिकिँदै गर्दा राजनीतिक दलका शीर्ष नेताहरू तल्लो स्तरको गाली गलौचमै उत्रिन थालेका छन् । त्यसमा पार्टी अध्यक्षदेखि प्रधानमन्त्री भइसकेका नेताहरू छन् । उनीहरूकै सिको गर्दै दोस्रो तथा तेस्रो दर्जाका नेताहरू पनि चुनावी एजेण्डाभन्दा गाली गलौचमा उत्रिन थालेका हुन् । त्यसरी गाली गलौच तथा तल्लो स्तरको आरोप लगाउने अग्रपङ्क्तिमा आउँछन्, एमाले अध्यक्ष केपी शर्मा ओली ।
उनको निशानामा अन्य पार्टीका नेताहरूदेखि लिएर निर्वाचन आयोगसम्म परेको छ । इलाममा आयोजित कार्यक्रममा ओलीले आफ्नै पार्टीका पूर्व नेताहरू माधवकुमार नेपाल, झलनाथ खनाललाई राम्रैसँग गाली दिए । उनले भने, ‘कमसेकम एमालेले लगाइदिएको जुँगा खौरेर कुरा गर्नु नि ! कम्युनिस्टकै बर्को ओढेका अन्तरे–जन्तरेहरूले नै कम्युनिस्ट सरकार ढाल्ने काम गरे ।’
उनी यतिकैमा रोकिएनन् । एमालेले लगाइ दिएको मेयर र सांसदको फुली बोकेर ठूला नगर्न पनि सचेत गराए । उनले भने, ‘विचार गर्नुहोस् त कति साह्रो लाज नभएका ? एमालेको बाकस खाली गर्छु भन्ने ? बाकस कसको खाली हुन्छ, आउँदो ३० गते थाहा हुन्छ ।’
ओलीले अहिलेको गठबन्धनलाई स्यालहरूको संज्ञा दिए । उनले भने, ‘स्यालहरूको मोर्चा कसेर हात्तीको सिकार गर्न सकिदैन । प्रचण्ड जी हामीले बनाइदिएको भाँडो हेरेर बसिराख्नु भएको छ । भाँडो भित्रको सिद्धिसक्यो त !’
उनले यतिमात्र सीमित बन्न पुगेनन् । पाँच दलीय गठबन्धनलाई गिद्धसँग तुलना गरे । ‘एउटा गिद्ध घरको धुरीमा बस्यो भने पूजाआजा गर्छन् । यहाँ त पाँच पाँच वटा गिद्ध छन् । अनि देशमा भलो हुन्छ,’ ओलीले भने ।
नेता तथा कार्यकर्ताले ओलीलाई राजनेता तथा ‘बा’ भन्दै सम्बोधन गर्छन् । तर, उनै राजनेताले गर्ने भाषण भने कुनै विषयवस्तु भन्दा गाली गलौच बाहेक केही हुँदैन । अहिले उनको निसानामा पर्ने भनेका नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा (एकीकृत समाजवादी) का अध्यक्ष माधवकुमार नेपाल, झलनाथ खनाल लगायतका नेता हुन् ।
उखान टुक्कासहितको गाली गलौचमा खप्पिस ओली चित्त नबुझे आफ्नै पार्टीका नेताहरूमाथि पनि त्यसरी नै खनिन पुग्छन् । यतिबेला स्थानीय तह निर्वाचनको प्रचार प्रसारको हो । नेताहरू आफ्नो पार्टीको चुनावी एजेण्डा मतदातालाई बताउनुपर्नेमा अर्को पार्टीको नेताहरू गाली गर्नतिर लाग्छन् ।

यसरी एजेन्डा विहीन अवस्थामा पुगेका अर्का नेता हुन्, नेकपा माओवादी केन्द्रका अध्यक्ष प्रचण्ड । पार्टीका चुनावी एजेण्डा के हुन ? चुनावमा कसरी जाने ? भन्ने कार्यकर्तालाई सिकाउनु मतलब छैन । उनी कहिले एमाले अध्यक्ष केपी ओली त नेपाली कांग्रेसका नेताहरूलाई गाली गलौच तथा आरोप प्रत्यारोपमा उत्रिएका छन् ।
केही दिनअघि सिन्धुली पुगेका प्रचण्डले आफ्नो पार्टीलाई सिंह र अरूको पार्टीलाई भेडासँग तुलना गरे । उनले भने, ‘सिंह र भेडाको कथा जस्तो । भेडासँग हिँड्दाहिँड्दा हामी पनि भ्या–भ्या गर्ने जस्तो भाछौं । हुँ त हामी सिंह गर्जिनुपर्ने हो माओवादी त, तर, १०–१५ वटा भेडाहरूसँग हिँड्दा भ्या–भ्या गर्न थालियो ।’ भाषण सुनिरहेका कार्यकर्ता हुटिङ गर्दै मख्ख भए ।
प्रचण्ड यतिमा मात्र सीमित भएनन् । केही समय अगाडि प्रचण्डले ओलीलाई विदेशीले हुर्काएको एजेण्डा भएको बताए । कार्यकर्तालाई उत्तेजित पार्नकै लागि उनी यतिसम्म तल्लो स्तरमा जान्छन् कि राम्रो बोलियो वा नराम्रो हेक्का समेत हुन्न ।
उनी मात्र नभएर नेकपा समाजवादी अध्यक्ष माधवकुमार नेपाल पनि गालिजलौजमै उत्रिन्छन् । उनको आक्रोश अरू कसैप्रति नभएर आफ्नै पूर्व पार्टी नेकपा एमालेप्रति हुन्छ । त्यसमा पनि एमाले अध्यक्ष केपी ओली लक्षित गालिगलौजमा खप्पिस हुन्छन् । कुनै ठाउँको आमसभामा सम्बोधन गर्न पुग्दा उनको मुखबाट गाली नै वाणीको रूपमा निस्किन्छ । र, कार्यकर्ता हुटिङ गर्न थाल्छन् ।
उनले केपी ओलीले संसद्लाई पङ्गु बनाउने, भत्तामात्र खाने र आफूहरूलाई हैरानी पार्ने काम गर्दै आएको भन्दै उनले भने, ‘त्यस्तो हो भने केपी ओलीको वितण्डालाई सामना गर्नुभन्दा संसद्लाई भंग गरिदिऊ ।’
त्यस्तै वर्तमान मन्त्री तथा समाजवादीकै नेता प्रेम आलेले त केपी ओलीलाई महाभारतको दुर्योधनसम्म भन्न भ्याए । केही दिन अगाडि एक कार्यक्रममा भने, ‘केपी ओली महाभारतको दुर्योधन हुन् । महाभारतको दुर्योधन, एमाले नेता केपी ओली । कुनै फरक छैन, दाज्नुस् तपाइहरू । मूल्याङ्कन गर्नुस् ।’
छोटो र मिठो बोल्ने नेताको रूपमा चिनिएका प्रधानमन्त्री तथा नेपाली कांग्रेसका सभापति शेरबहादुर देउवा पनि बेला बेला व्यक्तिगत आक्षेपमै उत्रिन्छन् । केही दिन अगाडि नुवाकोटमा आयोजित कार्यक्रममा उनले एमाले नेता भीम रावलको दिमाग खुस्किएको सम्म भन्न भ्याए ।
त्यस्तै नेपाली कांग्रेसका उपसभापति धनराज गुरुङले पनि कांग्रेस हात्ती भएको र अन्य दल कुकुर भएको बताए । ‘कांग्रेस हात्ती हो । हात्ती लम्कन्छ । हात्ती लम्किँदै गर्दा कहिले कही कुकुरहरू पनि भुक्ने गर्छन्,’ उनले भने ।
यसरी भाषण गर्ने बहानामा व्यक्तिगत गालीगलौज तथा आक्षेप लगाउनु राजनीतिक धर्म होइन । यो त केबल आक्रोश मात्र हो । त्यसमा पनि उनीहरूको भाषण सुन्न भनेर बसेका कार्यकर्ता जे बोल्दा पनि हो..हो गर्दै हुटिङ गर्ने र ताली पड्काउने बाहेक केही गर्दैनन् । आफ्नो नेताले कस्तो खालको भाषाको प्रयोग ग¥यो, यसरी गाली गलौचमा नउत्रिएर आफ्नो एजेण्डा तथा विषयवस्तु प्रस्तुत गर्नुपर्छ भन्न सक्ने ल्याकत पनि कार्यकर्तामा छैन ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।