download zoom meetings for free zoom meeting software download for pc zoom file download join.zoom.us download downlead zoom

तिब्बत स्वतन्त्रताको लागि नेपाली आवाज, चिनियाँ अत्याचार विरुद्ध राष्ट्र संघलाई पत्र

   ९ चैत्र २०७८, बुधबार ०९:४७  

नेपालको तिब्बत संगको साईनो चीन संगको भन्दा पुरानो छ । लामो एतिहासिक र सांस्कृतिक सम्बन्ध स्थापित रहेको तिब्बती जनताका लागि नेपालबाट कहिल्यै कुनै सहयोग भएको देखिदैन ।

चीनीया तानाशाही को बिरुद्ध तिब्बतीहरुले गर्दै आएको आंदोलनमा पनि नेपाल बिमुख भएर प्रस्तुत हुदै आएको देखिन्छ । नेपाल सरकारले एक चीन नीतिलाई स्वीकार गरि आफ्नो धारणा प्रस्तुत गर्दै आईरहेतापनि आम नेपालीजनता भने तिब्बतको स्वतंत्रता को पक्षमा नै देखिन्छन । 

यस सम्बन्धी धारणाहरु बिभुन्न संगठनहरुले अठाईरहेका पनि छन । तिब्बती शरणार्थीहरु भारत, नेपाल लगायतका राष्ट्रमा बसेका छन र चीनीया ज्यादतीका बिपुद्ध आंदोलन गरिरहेका छन । विश्व समुदायले यसमाथी वोल्न साहस गर्न सकेका छैनन् । तर चुप पनि कहिले सम्म बस्ने कुरो हो ।


नेपाल डेमोक्रेट युनियनले तिब्बतको मुक्ति आन्दोलनप्रति ऐक्यवद्धता प्रकट गरेको छ। ‘६३औं टिबेटन अपराइजिङ डे’ का अवसरमा बिहिवार युनियनका अध्यक्ष सिद्धार्थ गौतमले संयुक्त राष्ट्र संघलाई एक स्मरण पत्र लेख्दै तिब्बतियन आन्दोलनप्रति ऐक्यवद्धता जनाएका हुन ।

उक्त स्मरण पत्रमा तिब्बतमाथिको अतिक्रमण तत्काल फिर्ता लिई तिब्बती जनताको स्वतन्त्रता र प्रजातन्त्रको सम्मान गर्न कम्युनिष्ट चीनलाई अपिल गरिएको छ। अन्यथा विश्व समुदायबाट बहिस्कृत हुने र आफ्नो पतनको दिनगन्ती शुरु गर्नुपर्ने दिन कम्युनिष्ट चीनले चाँडै देख्नुपर्ने चेतावनी समेत दिईएको छ।


‘कम्युनिष्ट चीनको तिब्बतमाथिको अतिक्रमण विरुद्ध, स्वतन्त्रता र प्रजातन्त्रको पक्षमा तिब्बती जनताले ६३ वर्षदेखि गरिरहेको संघर्षलाई अभिवादन गर्दैै नेपाल डेमोक्रेट युनियन ६३औं टिबेटन अपराइजिङ डे का अवसरमा समस्त तिब्बती जनताप्रति शुभकामना व्यक्त गर्दछ’ स्मरण पत्रमा भनिएको छ–‘तिब्बत मुक्ति आन्दोलन चीनको पञ्जाबाट मुक्त हुन चाहने तिब्बती जनताको आन्दोलन मात्र नभएर न्याय, स्वतन्त्रता, मानवअधिकार र प्रजातन्त्रप्रेमी विश्व समुदायको आन्दोलनकै एक अङ्ग हो। नेपाल डेमोक्रेट युनियन विश्वभरका प्रजातन्त्रप्रेमी जनता र सरकारका साथै नेपाली जनताको तर्फबाट तिब्बत मुक्ति आन्दोलनप्रति ऐक्यवद्धता प्रकट गर्दछ।’

चीनलाई धम्कीपुर्ण भाषामा चेतावनी दिदै स्मरण पत्रमा लखिएको छ–‘तिब्बती जनताको स्वतन्त्रता र  प्रजातन्त्रको अदम्य चाहनाको लागि विश्वभर छरिएर पनि तिब्बत मुक्ति आन्दोलनमा एकढिक्का भएर लागेका तिब्बती जनतालाई अभिवादन गर्दै नेपाल डेमोक्रेट युनियन आफूलाई प्रजातन्त्रप्रेमी मान्ने सबै पार्टी र नेताहरुलाई तिब्बत मुक्ति आन्दोलनका पक्षमा सहयोग तथा समर्थन गर्न समेत आग्रह गर्दछ।’

युनियनले विश्वमा शान्ति, स्वतन्त्रता, मानवअधिकार र प्रजातन्त्रको संरक्षण सम्बर्धनको जिम्मेवारी बोकेको संयुक्त राष्ट्र संघले तिब्बती जनताको स्वतन्त्रता, मानवअधिकार र प्रजातन्त्रको प्रत्याभूतिको निम्ति आवश्यक कदम चालोस् भन्ने चाहाना पनि पत्रमा ब्यक्त गरेको छ। 

यसका साथै तिब्बतलाई कम्युनिष्ट चीनको विस्तारवादी सर्वसत्तावादी कब्जाबाट मुक्ति दिलाउने वातावरण तयार गरोस् भन्ने विशेष आग्रह समेत गरिएको छ। युनियनको यो स्मरण पत्र नेपालले स्विकार गर्दै आएको एक चीन नीतिको विरुद्धमा छ।

कसैको सनक का कारण लाखौं तिब्बतीहरु आफ्नै भूमिबाट लखेटिएका छन यसको बिषयमा संयुक्त राष्ट्र र अन्तराष्ट्रिय समुदायले साझा धारणा बनाई मानव अधिकार माथी चीनले गर्ने गरेको प्रहार प्रति गम्भीर हुनु जरुरी छ ।

फेसबुकबाट तपाईको प्रतिक्रिया सबै