अमेरिकी राष्ट्रपति जो बाइडेन युरोप भ्रमणको क्रममा रुसी राष्ट्रपतिलाई लक्ष्ति गरेको दिएको अभिव्यक्तिको स्पष्टिकरण दिनुपरेको छ ।
रूसले युक्रेनमाथि जारी राखेको आक्रमणबारे युरोपियन युनियन र उत्तर एटलान्टिक सन्धि संगठनका सदस्य राष्ट्रहरूसँग छलफल गर्न बाइडेन गत साता तीन दिने युरोप भ्रमणमा गएका थिए ।
भ्रमणका क्रममा बाइडेन पोल्यान्डको राजधानी वार्सा पनि पुगे । त्यहाँ उनले युक्रेनी शरणार्थीहरूसँग भेटघाट गरेको थियो । वार्सामा आयोजित एक कार्यक्रमलाई सम्बोधन गर्दै राष्ट्रपति बाइडेनले रूसी राष्ट्रपति भ्लादिमिर पुटिन सत्तामा बस्न नसक्ने बताएका थिए ।
बाइडेनको उक्त अभिव्यक्ति सँगै मस्को र वासिङ्टनमा मात्र होइन अन्य युरोपेली मुलुकमा पनि तरंग आएको थियो । केहीले बाइडेनको आलोचना पनि गर्न भ्याए । रुसी राष्ट्रपति कार्यालय क्रेमलिनले रूसी राष्ट्रपति जनताले चुनावबाट छान्ने भन्दै रूसमा को राष्ट्रपति हुने भन्ने कुरा बाइडेनले निर्णय गर्न नसक्ने बताएको थियो ।
अमेरिकी राष्ट्रपति कार्यालय ह्वाइटहाउसका अधिकारीहरूले बाइडेनको भनाइको तात्पर्य पुटिनलाई सत्ताबाट हटाउनु नभई उनले छिमेकीमाथि आक्रमण गर्ने नसक्ने अर्थमा रहेको बताएका थिए । बेलायत, फ्रान्सजस्ता मुलुकले पनि बाइडेनको भनाइमा समर्थन जनाएका थिएनन् । पोल्यान्डमा दिएको उक्त अभिव्यक्ति बारे बाइडेनले वासिङ्टनमा पनि स्पष्टिकरण दिनु परेको छ ।
सोमबार ह्वाइटहाउसमा संवाददाताहरू सँग कुरा गर्दै बाइडेनले आफूले उक्त कुरा व्यक्तिगत रूपमा भनेको र रूसको सत्ता पल्टाउने नीति अमेरिकाको नरहेको न्युयोर्क टाइम्समा उल्लेख छ । बाइडेनले पुटिन सत्तामा रहन सक्दैनन् भन्ने आफनो अभिव्यक्तिमा आफू अझै पनि दृढ रहेको पनि बताए ।
युक्रेनी शरणार्थीलाई भेटेपछि पुटिनले गरेको कार्यप्रति आफूमा आक्रोश आएकाले उक्त कुरा भनेको उनले बताएका छन् । त्यसको अर्थ पुटिनलाई सत्ताबाट निकाल्नुपर्छ भन्ने नहुने बाइडेनको भनाइ छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन