धनुषामा दलित युवकको शव गहुँको खेतमा फेला

   २३ चैत्र २०७८, बुधबार १७:०९  

जनकपुरधाम, २३ चैत । धनुषाको हंसपुर नगरपालिकामा एक १८ बर्षिय दलित युवक शव फेला परेको छ ।
धनुषा जिल्लाको हंसपुर नगरपालिका वडा नम्वर ७ का १८ बर्षिय विजय महराको शव हत्या गरेर गहुँ बालीमा फालिएको अवस्थामा बुधवार विहान फेला परेको हो ।
जिल्ला प्रहरी कार्यालय धनुषाका अनुसार युवक महरालाई अज्ञात व्यक्तिहरुले गोली र चाकु प्रहार गरी हत्या गरेको छ । निजको शव सोही नगरपालिका वडा नम्वर ६ स्थित गहुँको खेतमा भेटिएको धनुषा प्रहरीको प्रवक्ता एवं डिएसपी जितेन्द्रकुमार बस्नेतले जानकारी दिए ।
युवक महरालाई हत्या गरेको आशंका गर्दै डिएसपी बस्नेतले घटनास्थलमा आवश्यक अनुसन्धान जारी राख्दै अज्ञात व्यक्तिहरुको खोजीकार्य तिव्र बनाएको बताए । युवकको शव पोष्टमाार्टमको लागि प्रादेशिक अस्पताल जनकपुरधाम पठाइएको समेत उनले भने ।

फेसबुकबाट तपाईको प्रतिक्रिया सबै